Sot (01.07.2026), në territorin e komunave të Velesit, Gradskos dhe Çashkës, nëpunës policorë nga Seksioni për Parandalim pranë SPB Veles, Stacioni Policor Gradsko dhe Njësia Policore Çashkë realizuan aktivitete parandaluese për mbrojtjen nga zjarret. Qytetarëve iu theksua nevoja për uljen e rrezikut nga shpërthimi i zjarreve pyjore dhe zjarreve në hapësira të hapura, si dhe rëndësia e kujdesit gjatë kryerjes së punëve bujqësore. Gjithashtu u vu në dukje rëndësia e bashkëpunimit të vazhdueshëm me institucionet kompetente dhe detyrimi për të raportuar çdo sjellje të papërgjegjshme. Aktivitete të ngjashme parandaluese u zhvilluan edhe nga Njësia për Parandalim i SPB Shkup në Shkup, si dhe nga SPB Shtip në Shtip.
Nëpunës policorë nga NJPB Negotinë, në Demir Kapi, realizuan aktivitetin parandalues me temën "Kujdesu për shtëpinë tënde", ku qytetarëve iu dhanë këshilla për të qenë më të kujdesshëm dhe për mënyrat se si mund të mbrohen nga lloje dhe forma të ndryshme vjedhjesh, me qëllim rritjen e nivelit të sigurisë personale dhe të pronës. Nëpunës policorë nga SP Njësia për Siguri në Komunikacion pranë NJPB Kavadar realizuan aktivitetin parandalues me temën "Vozitni me përgjegjësi", në kuadër të të cilit drejtuesve të automjeteve iu theksua rëndësia e respektimit të detyrueshëm të rregullave dhe rregulloreve të komunikacionit.
Po ashtu, nëpunës policorë nga SP Njësia për Siguri në Komunikacion pranë SPB Veles, Departamenti për Parandalim i SPB Shkup dhe njësitë e sigurisë në komunikacion në Koçan dhe Berovë zhvilluan aktivitete parandaluese me temën "Mbaj helmetë", të drejtuara ndaj drejtuesve të motoçikletave, motoçikletave mopedëve dhe trotineteve elektrike. Gjatë këtyre aktiviteteve u theksua detyrimi dhe nevoja për mbajtjen e helmetës mbrojtëse, duke u rikujtuar se çdo pjesëmarrës në komunikacion është po aq përgjegjës për sigurinë e vet, sa edhe për sigurinë e të gjithë pjesëmarrësve të tjerë. Ndërkaq, dje në territorin e komunave Gradsko dhe Rosoman, nëpunës policorë nga Seksioni për Parandalim pranë SPB Veles zhvilluan një aktivitet me qëllim sensibilizimin e drejtuesve të automjeteve që të mos drejtojnë mjetet nën ndikimin e alkoolit, duke qenë se alkooli ul ndjeshëm aftësitë e drejtimit, dëmton aftësitë psikomotorike dhe përbën një kërcënim serioz për sigurinë e tyre dhe të pjesëmarrësve të tjerë në komunikacion. Në kuadër të aktiviteteve parandaluese u shpërnda edhe material edukativ i shtypur
