"Vozit në mënyrë të sigurt", aktivitet parandalues i QRÇK Jug

Sot (27.05.) nëpunësit policorë të Qendrës Rajonale për Çështje Kufitare Jug, në pikën kufitare Dojran i Vjetër, zhvilluan një aktivitet parandalues në fushën e sigurisë në trafik " Vozit në mënyrë të sigurt ".
Në atë rast, gjatë hyrjes në shtet, nëpunësit policorë komunikuan me pasagjerët rreth rëndësisë së respektimit të rregullave dhe dispozitave të trafikut, duke dhënë këshilla të dobishme për lëvizje të sigurt. Qytetarët u informuan gjithashtu se këtë vit në këtë pikë kalimi kufitar janë instaluar kabina të reja, me qëllim përshpejtimin e lëvizjes së udhëtarëve dhe mjeteve transportuese, me qëllim shkurtimin e kohës së pritjes gjatë hyrjes dhe daljes. Udhëtarëve iu shpërndanë gjithashtu fletëpalosje edukative, të përpiluara në shumë gjuhë. I njëjti aktivitet parandalues u krye në vendbanimet Dojran i Ri dhe i Vjetër, ku përmes takimeve me popullatën lokale u ndanë këshilla dhe leksione të dobishme për pjesëmarrje të sigurt në trafik.