Njësia për Parandalim në SPB Shkup, në bashkëpunim me NP "Pyjet Nacionale" në zonat e SP me KP Karposh, sot (01.06.) realizoi një aktivitet parandalues në kuadër të fushatës për parandalimin e zjarreve në pyje dhe prerjes së paligjshme të pyjeve.
Gjatë aktivitetit, në një bisedë me qytetarët, u theksua se nevojitet bashkëpunim i vazhdueshëm me institucionet kompetente dhe raportim i detyrueshëm i sjelljeve të pandërgjegjshme, siç janë hedhja dhe djegia e mbeturinave, ndezja e zjarreve në hapësira të hapura dhe pranë brezave pyjorë, hedhja e bishtave të cigareve e të ngjashme, me qëllim që të sigurohet një reagim i shpejtë dhe në kohë nga institucionet.
Gjithashtu u theksua se në pritje të periudhës së verës dhe temperaturave në rritje, rreziku i shkaktimit të zjarreve për shkak të pakujdesisë është gjithashtu në rritje. Prandaj, u theksua nevoja për mbrojtje dhe ulje të rrezikut të zjarreve në pyje dhe zjarreve në hapësira të hapura, si dhe kryerja e kujdesshme e punëve bujqësore, me theks në rreziqet e shkaktimit të zjarreve nga djegia e kashtës me bar të thatë dhe mbeturinave në fusha. Përveç kësaj, qytetarët u informuan për dispozitat ligjore dhe sanksionet, veçanërisht në lidhje me rregullimin ligjor që mbulon zjarret dhe prerjet e paligjshme të druve.
Qëllimi i këtij aktiviteti ishte rritja e kulturës së sigurisë, por edhe forcimi i besimit dhe bashkëpunimit midis policisë dhe qytetarëve. Njëkohësisht, qytetarëve iu shpërndanë fletëpalosje informuese.
