Sot (08.12.2025) në rrugën Gostivar-Tetovë, nëpunës policorë nga Seksioni për parandalim pranë SPB Tetovë në bashkëpunim me Njësinë Policore për Siguri në Komunikacionin Rrugor - Gostivar realizuan një aktivitet parandalues në kuadër të fushatës "Përdorni pajisje dimërore, drejtoni me kujdes, drejtoni me përgjegjësi". Vozitësit u informuan rreth domosdoshmërisë së posedimit të pajisjeve dimërore në automjetet e tyre, por edhe për drejtimin e ndërgjegjshëm dhe të përgjegjshëm të automjeteve dhe përshtatjen e shpejtësisë së lëvizjes me kushtet e rrugës, si dhe u shpërndanë fletushka edukative me këshilla të përshtatshme për vozitje të sigurt.
Gjithashtu sot (08.12.2025) nëpunës policorë pranë SPB Shkup në territorin e SP Mirkovc, në rrugën për në Kosovë, në bashkëpunim me KRSKRR-në, zhvilluan aktivitete edukative dedikuar vozitësve: "Përdorni pajisje dimërore", "Vendosni rripin", "Mos bisedoni në celular gjatë drejtimit të automjetit" dhe "Vozitni sigurt me automjet të rregullt teknikisht". Në këtë rast, përveç këshillave të dobishme që u shkëmbyen me vozitësit përmes komunikimit të drejtpërdrejtë, u shpërndanë edhe materiale edukative në formën e fletushkave.
