Sot (10.12.2025) në shkollën fillore "Mustafa Kemal Ataturk" në komunën e Pllasnicës, nëpunës policorë nga NJPB Makedonski Brod në SPB Manastir mbajtën një tribunë me nxënësit, temë e së cilës ishte Rreziku dhe pasojat e përdorimit të piroteknikës, veçanërisht tani në prag të festave. Nxënësit u njoftuan edhe me dispozitat ligjore që sanksionojnë përdorimin dhe shitjen e piroteknikës.
Një ligjëratë me të njëjtën temë mbajtën edhe nëpunësit policorë nga Stacioni Policor Dellçevë në SPB Shtip në Shkollën Fillore "Kliment Ohridski" në Dellçevë, dhe folën edhe për mënyrat e njohjes dhe parandalimit të dhunës mes moshatarëve, si dhe pasojat e këtij fenomeni.
Në territorin e SPB Shtip, në Probishtip dhe Koçan, u zbatuan edhe aktivitete parandaluese për komunikacion të sigurt. Përmes komunikimit të drejtpërdrejtë me shoferët, u theksua nevoja që automjetet që përfshihen në komunikacion të jenë teknikisht të rregullta, të mos drejtohen automjetet nën ndikimin e alkoolit, si dhe një sërë rregullash dhe rregulloresh të tjera, me qëllim pjesëmarrjen e sigurt në trafik. Këmbësorëve, nga ana tjetër, iu bë me dije se nuk guxojnë të përdorin telefonin celular kur kalojnë rrugën.
Nga ana tjetër, nëpunësit policorë të Seksionit për Parandalim në SPB Veles zhvilluan një aktivitet parandalues-edukues për mbrojtje nga krimet pronësore, kryesisht vjedhjet dhe mashtrimet. Në komunikim të drejtpërdrejtë me qytetarët, veçanërisht me popullatën e moshuar, nëpunësit policorë u dhanë qytetarëve këshilla të dobishme se si të mbrojnë veten dhe shtëpitë e tyre nga vjedhjet, vjedhjet me thyerje dhe mashtrimet dhe nevojën për të raportuar çdo rast të dyshimtë në polici.
Në ambientet e Sektorit të Punëve të Brendshme të Strumicës, me rastin e festimit të 9 Dhjetorit - Ditës së Parandalimit, u organizua një vizitë për fëmijë të moshave të ndryshme, të cilët u pritën nga kryeshefi i Sektorit të Punëve të Brendshme të Strumicës dhe disa nëpunës policorë, të cilët i prezantuan ata me punën e tyre, ua prezantuan disa nga pajisjet që përdorin në kryerjen e detyrave zyrtare, ndërsa fëmijët panë edhe ambientet zyrtare. Ata gjithashtu morën pjesë në një prezantim video të disa prej aktiviteteve parandaluese të kryera deri më tani nga Seksioni i Parandalimit në SPB Strumicë, si dhe në një prezantim të librit elektronik me punimet që morën pjesë në konkursin që u organizua me rastin e Ditës së Policisë - 7 Maji.
