Sot (11.12.2025) nëpunës policorë nga SPB Strumicë-NJPB Vallandovë në Shkollën Fillore Komunale "Strasho Pinxhur" në fshatin Josifovë, rajoni i Vallandovës, mbajtën një ligjëratë mbi parandalimin e përdorimit dhe shitjes së mjeteve piroteknike. Në një bisedë të drejtpërdrejtë dhe përmes një prezantimi të përgatitur enkas për ta, nxënësve iu theksua rreziku i përdorimit të mjeteve piroteknike dhe pasojat që mund të lindin, si dhe u njoftuan me rregulloren ligjore sipas së cilës sanksionohet blerja, shitja dhe përdorimi i paautorizuar i mjeteve piroteknike. Në këtë temë sot në SHFK "Vëllezërit Milladinovi" në Probishtip, ligjeratë mbajtën nëpunës policorë nga SPB Shtip-SP Probishtip në bashkëpunim me një mjek nga spitali në Probishtip. Dje, nëpunës policorë nga SPB Ohër - NJPB Strugë së bashku me një mjek nga Spitali i Përgjithshëm i Strugës, mbajtën ligjërata në shkollat fillore "Vëllezërit Milladinovci" dhe "Josip Broz Tito" në Strugë. Gjithashtu në territorin e SPB Ohër, dje nëpunës policorë nga Seksioni i Parandalimit dhe Kryqi i Kuq i Ohrit mbajtën ligjërata në shkollën fillore "Koço Racin" në Ohër me qëllim asgjësimin e dukurisë së dhunës në shkolla.
Nëpunës policorë nga Njësia e Parandalimit pranë SPB Shkup dhe SP për SKRR - Shtip, sot në territorin e komunës së Kisella Vodës dhe në Shtip, zhvilluan aktivitete parandaluese për trafik komunikacion të sigurt. Në këtë rast, u shpërndanë edhe materiale edukative në formën e fletushkave, me këshilla praktike për pjesëmarrje të sigurt në komunikacion.
Nëpunës policorë nga SP Sveti Nikollë pranë ShMK "Koço Racin" në Sveti Nikollë mbajtën një ligjëratë mbi parandalimin e varësive, para së gjithash nga përdorimi i narkotikëve, ndërsa nëpunës policorë nga SP Berovë në ShFK "Dedo Iljo Maleshevski" në Berovë mbajtën një ligjëratë mbi parandalimin e dhunës mes moshatarëve, me qëllim parandalimin dhe mbrojtjen në kohë nga dukuritë e këtilla.
