Sot (13.11.2025), në SHMSH QRAPT “Kole Nedellkovski” në Veles, u zhvillua një ushtrim simulues për evakuim të shpejtë dhe sjellje në situata krize, konkretisht një simulim zjarri. Nëpunësit policorë nga SPB Veles, në bashkëpunim me Njësinë Territoriale Zjarrfikëse Veles, Organizatën Komunale të Kryqit të Kuq Veles, Drejtorinë për Mbrojtje dhe Shpëtim dhe ekipin e Ndihmës së Shpejtë Mjekësore Veles, së bashku me nxënësit dhe personelin e shkollës, realizuan ushtrimin me temë “Mënyra e sjelljes në situata krize”.
Gjatë ushtrimit u prezantuan masat e mbrojtjes dhe shpëtimit, si dhe mënyra e veprimit të shërbimeve në terren gjatë shpërthimit eventual të zjarrit. Qëllimi ishte që nxënësit të njihen me mënyrat dhe protokollet e sjelljes në situata krize — konkretisht me mënyrën e evakuimit dhe ndërhyrjes së shpejtë në rast zjarri, kapërcimin e panikut dhe evakuimin e sigurt e të organizuar në një situatë të supozuar.
