Sot (09.05.2026), nëpunës policorë nga NJPB Kavadar realizuan aktivitet parandalues në rrugor me moton “Mbani helmetë, vozitni me kujdes”.
Qëllimi i aktivitetit ishte të ndikohet në ngritjen e nivelit të kulturës rrugore përmes rikujtimit të rregullave, rregulloreve dhe obligimeve për pjesëmarrje të kujdesshme dhe të përgjegjshme në trafik, si dhe rritjen e sigurisë së drejtuesve të motoçikletave dhe mopedëve.
Shoferëve u është tërhequr vëmendja për obligimin dhe nevojën e mbajtjes së helmetës mbrojtëse, si për ta ashtu edhe për bashkudhëtarët, duke theksuar se secili pjesëmarrës në trafik është njësoj përgjegjës si për sigurinë e vet, ashtu edhe për sigurinë e të gjithë pjesëmarrësve të tjerë në trafik. Gjatë aktivitetit u shpërnda edhe material i shtypur edukativ, i përgatitur në bashkëpunim me Këshillin Republikan për Siguri në Komunikacionin Rrugor dhe Fakultetin e Sigurisë në Shkup.
Sot (09.05.2026), nëpunës policorë nga Qendra Rajonale për Çështje Kufitare Lindje – Stacioni Policor për Kalim Kufitar dhe Mbikëqyrje Kufitare Dellçevë, së bashku me Stacionin Policor me Kompetencë të Përgjithshme Dellçevë, Policinë Pyjore dhe NP “Pyjet Nacionale” – Dellçevë, në disa fshatra të komunës së Dellçevës (Biglla, Dramçë, Çiflik, Petrashevc), në malin Gollak, realizuan aktivitete parandaluese për mbrojtje nga zjarret në hapësira të hapura dhe parandalimin e prerjes dhe transportit të paligjshëm të druve.
Nëpunësit policorë përmes takimeve dhe bisedave i informuan qytetarët për rrezikun nga zjarret, pasojat e ndezjes së zjarreve në hapësira të hapura, djegies së kashtës dhe barit të thatë, ndërsa u theksua se informimi dhe raportimi në kohë kanë rëndësi të veçantë. Me këtë rast, qytetarëve u janë shpërndarë fletushka me përmbajtje edukative.
