Më 24.07.2026, në disa lokacione në zonën qendrore të qytetit të Koçanit, nëpunës policorë të Stacionit Policor për Sigurinë në Komunikacion – Koçan realizuan një aktivitet parandalues me temën “Të gjithë jemi këmbësorë”. Qëllimi kryesor i këtij aktiviteti ishte rritja e kulturës së komunikacionit përmes respektimit të rregullave dhe dispozitave të trafikut, si dhe forcimi i besimit dhe bashkëpunimit ndërmjet policisë dhe qytetarëve.
Në pikën e pagesës rrugore Ramanli, në rrugën rajonale Kumanovë – Sveti Nikollë dhe në rrugën magjistrale Kumanovë – Kriva Pallankë, nëpunës policorë të Sektorit për Parandalim pranë SPB Kumanovë zhvilluan aktivitete parandaluese për sigurinë në komunikacion dhe për mënyrat e mbrojtjes nga vjedhjet në automjete. Drejtuesve të automjeteve dhe pjesëmarrësve të tjerë në komunikacion u rekomandua që të drejtojnë automjetin të pushuar, sidomos kur udhëtojnë në distanca të gjata, të konsumojnë lëngje dhe të bëjnë pushime çdo 2–3 orë. Gjithashtu, u theksua rëndësia e moslënies së sendeve me vlerë në automjet, me qëllim që të mbrohen nga vjedhjet e mundshme dhe nga shkaktimi i dëmeve materiale në automjete.
Një aktivitet parandalues për mbrojtjen e pyjeve nga zjarret dhe për parandalimin e zjarreve në hapësira të hapura u zhvillua dje nga zyrtarët policorë të Stacionit Policor për Mbikëqyrje Kufitare – Pehçevë, në bashkëpunim me një përfaqësues të Ndërmarrjes Pyjore “Maleshevë” – Berovë. Në fshatin Ratevë dhe në disa lokacione të tjera në komunën e Berovës, nëpunësit policorë i informuan qytetarët për nevojën e kujdesit më të madh dhe për masat që duhen ndërmarrë për të zvogëluar rrezikun e zjarreve pyjore dhe zjarreve në hapësira të hapura. Po ashtu, qytetarët u informuan edhe për dispozitat ligjore dhe sanksionet, si dhe për masën e ndalimit të plotë të lëvizjes nëpër pyje.
Gjatë të gjitha aktiviteteve, qytetarëve iu shpërndanë fletëpalosje me përmbajtje edukative
