Më 30.10.2026, zyrtarë policorë nga Stacioni Policor i Berovës mbajtën një ligjëratë edukative në shkollën periferike të SHFK-së „Aco Ruskovski“ në Berovë, për nxënësit e klasave të gjashta dhe të shtata, me temat „Dhuna mes bashkëmoshatarëve“ dhe „Siguria në internet“.
Më 30.10.2026, zyrtarë policorë nga Stacioni Policor për Siguri në Komunikacionin Rrugor në Koçan zhvilluan një aktivitet parandalues në disa lokacione në qendër të qytetit, me temën „Nëse pi, mos vozit“. Drejtuesve të automjeteve iu shpërndanë fletushka me këshilla dhe udhëzime.
Më 30.10.2026, në tregun e qytetit në Shtip, zyrtarë policorë nga Seksioni për Parandalim pranë SPB Shtip realizuan një fushatë edukative me moton „Të mbrohemi nga vjedhjet e xhepave“. Fushata u zhvillua përmes takimeve të drejtpërdrejta me qytetarët, të cilëve iu dhanë këshilla për vetëmbrojtje dhe mbrojtje nga deliktet pronësore, si grabitjet me dhunë, plaçkitjet, vjedhjet e pacipa, vjedhjet e xhepave dhe vepra të tjera penale. Në veçanti, qytetarëve iu theksua rëndësia e bashkëpunimit me policinë dhe komunikimit në kohë, sidomos përmes raportimit të shpejtë në numrin pa pagesë 112. Gjithashtu, u shpërndanë fletushka me përmbajtje edukative.
Seksioni për Preventivë pranë SPB Tetovë, dje (29.10.), në SHFK-në „Kirili dhe Metodi“ në Tetovë vazhdoi me ligjëratat edukative me temën „Rregullat për këmbësorët e vegjël“.
Në këtë aktivitet u përfshinë nxënësit e klasës së parë, të cilëve zyrtarët policorë nga Seksioni për Preventivë u shpjeguan se si duhet të lëvizin në komunikacion dhe u tërhoqën vëmendjen që të kenë kujdes ndaj shenjave të trafikut.
Më 30.10.2026, zyrtarë policorë nga Seksioni për Parandalim dhe Stacioni Policor për Siguri në Komunikacionin Rrugor pranë SPB Veles realizuan një aktivitet edukativ me temën „Rregullat për këmbësorët e vegjël“. Qëllimi i këtij aktiviteti është që fëmijët që në moshë të hershme të njihen me rregullat dhe dispozitat e komunikacionit rrugor.
Në kuadër të aktivitetit, fëmijëve iu dhuruan libra për ngjyrosje me tema të komunikacionit, të përgatitura në bashkëpunim me Këshillin Republikan për Siguri në Komunikacionin Rrugor dhe Fakultetin e Sigurisë në Shkup.
Në territorin e Komunës së Kavadarit u realizua një aktivitet parandalues në komunikacion, gjatë të cilit qytetarëve iu rikujtua detyrimi për përdorimin e detyrueshëm të rripit të sigurisë në automjete, si dhe respektimi i vazhdueshëm i të gjitha rregullave dhe dispozitave të komunikacionit. Gjithashtu, u realizua edhe një aktivitet parandalues për mbrojtjen nga dhuna në familje. Në kuadër të aktiviteteve u shpërnda material edukativ i shtypur.
Më 30.10.2026, nga ana e Njësisë për Parandalim pranë SPB Shkup, në territorin e Stacionit Policor të Përgjithshëm Draçevë dhe Njësisë Policore Petrovec, u realizuan tri punëtori edukative. Njëra prej tyre u mbajt me nxënësit e Klubit për Parandalim, të përbërë nga nxënës të klasave të shtata deri në të nëntat nga SHFK-të „Marko Cepenkov“ në fshatin Zelenikovë, „Ljuben Lape“ dhe „Lazo Angelovski“ në Aerodrom, me temat „Parandalimi i dhunës mes bashkëmoshatarëve – bullizmit“ dhe „Parandalimi i varësive“.
Përmes komunikimit interaktiv, nxënësit u njohën me të gjitha format e dhunës, fizike dhe psikologjike, me atë që nënkupton dhuna mes bashkëmoshatarëve – bullizmi dhe bullizmi kibernetik, format e sjelljes agresive mes të rinjve, si dhe dukuritë antisociale dhe devijante, përkatësisht varësitë, të cilat paraqesin rrezik serioz për sigurinë e nxënësve.
Vëmendje e veçantë iu kushtua mënyrave të identifikimit, shmangies dhe raportimit të këtyre dukurive, si dhe autorizimeve ligjore të zyrtarëve policorë dhe dispozitave ndëshkuese, në përputhje me legjislacionin në fuqi dhe të përshtatura sipas moshës së nxënësve.
Nxënësve të pranishëm iu shpërndanë edhe fletushka me mesazhe edukative: „Stop bullizmit – askush nuk meriton të ndihet i pavlerë dhe i pasigurt“. Në kuadër të bashkëpunimit ndërinstitucional me Ambasadën e Parë të Fëmijëve „Megjashi“, në SHFK-në „Risto Kërle“ në fshatin Kadino, në territorin e Njësisë Policore Petrovec, u realizuan edhe dy punëtori edukative me temën „Hapësirë e sigurt në internet për fëmijët dhe të rinjtë“. Aktivitetet kishin për qëllim avancimin e mbrojtjes së fëmijëve, ngritjen e vetëdijes për sigurinë në internet, parandalimin e rreziqeve online dhe njohjen me mekanizmat për mbrojtjen e fëmijëve në mjedisin digjital.
