Sot (26.10.2026), nëpunës policorë të Stacionit Policor të Dellçevës realizuan një aktivitet edukativ-parandalues për nxënësit e klasës së shtatë në SHFK „Vanço Përqe“, me temën „Dhuna mes bashkëmoshatarëve – Interneti i sigurt“.
Sot (26.10.2026), nëpunësit policorë të Stacionit Policor të Probishtipit, në bashkëveprim me nëpunësit policorë të policisë kriminalistike dhe Kryqin e Kuq – Probishtip, mbajtën një ligjëratë edukative për nxënësit e klasës së gjashtë të SHFK-së „Vëllezërit Milladinovci“, me temën „Dhuna mes bashkëmoshatarëve – Interneti i sigurt“. Theks i veçantë iu kushtua njohjes së nxënësve me kompetencat e Ministrisë së Punëve të Brendshme (MPB), masat dhe aktivitetet që ndërmerr MPB-ja lidhur me këtë problematikë, si dhe parandalimin e dukurive të tilla.
Sot (26.10.2026), nëpunësit policorë të Stacionit Policor të Vinicës, në bashkëpunim me nëpunësit policorë të policisë kriminalistike të Vinicës, realizuan një aktivitet edukativ-parandalues për nxënësit e klasës së shtatë të SHFK-së „Goce Dellçev“ në Vinicë, me temën „Dhuna mes bashkëmoshatarëve dhe interneti i sigurt“.
Sot (26.10.2026), nëpunësit policorë të Stacionit Policor për Sigurinë e Komunikacionit Rrugor në Shtip realizuan një aktivitet edukativ-parandalues për nxënësit e vitit të tretë dhe të katërt të SHMK-së „Jane Sandanski“ në Shtip, me temën „Mësoj, jap provimin, vozis“.
Sot (26.10.2026), nëpunës policorë të Stacionit Policor për Sigurinë e Komunikacionit Rrugor në Koçan, në disa lokacione në zonën qendrore të qytetit, zhvilluan një aktivitet parandalues me temën „Vozitni sigurt me automjet të rregullt teknikisht“. Gjatë realizimit të aktivitetit, shoferëve pjesëmarrës në komunikacion iu shpjeguan dispozitat ligjore lidhur me respektimin e rregullave dhe normave të trafikut rrugor. Atyre iu shpërndanë fletushka dhe këshilla edukative.
„Me njohuri kundër sulmeve kibernetike dhe bullizmit kibernetik“ është projekti parandalues që Sektori për Parandalim pranë Sektorit për Punë të Brendshme (SPB) të Ohrit e realizoi në shkollën fillore „Zhivko Çingo“, në fshatin Velgoshti të Ohrit. Nëpunësit policorë të Seksionit për Parandalim mbajtën ligjërata edukative për nxënësit lidhur me këtë temë. Përmes komunikimit interaktiv, ata diskutuan për format e dhunës kibernetike dhe sjelljes agresive ndërmjet të rinjve, si dhe për format e këtyre dukurive antisociale dhe devijante, të cilat rrezikojnë seriozisht sigurinë e nxënësve. Theks i veçantë iu kushtua mënyrave të identifikimit, shmangies dhe raportimit të këtyre dukurive, si dhe kompetencave ligjore të zyrtarëve policorë dhe dispozitave ndëshkuese për kryerësit. Projekti do të realizohet edhe në shkollat e tjera fillore.
Sot (26.10.2026), nëpunës policorë të Seksionit për Parandalim pranë SPB Veles mbajtën një ligjëratë edukative për nxënësit nga klasa e parë deri në klasën e katërt të SHFK-së „Rajko Zhinzifov“, në fshatin Orizarë e Sipërme, në rajonin e Velesit, me temën „Rregullat për këmbësorët e vegjël“. Qëllimi ishte që fëmijët, si pjesëmarrësit më të rinj në komunikacion, që në moshë të hershme të njihen me rregullat dhe dispozitat themelore të trafikut rrugor. Një ligjëratë edukative për mbrojtjen nga dhuna mes bashkëmoshatarëve dhe dhuna kibernetike u mbajt edhe në SHFK-në „Goce Dellçev“ në Kavadar, nga nëpunësit policorë të NJPB Kavadar. Gjatë ligjëratës, nxënësit u njohën me format e ndryshme të sjelljes së dhunshme, mënyrat se si shfaqen këto dukuri devijante, si dhe pasojat që mund të shkaktojnë. Gjithashtu, atyre iu shpjeguan mënyrat dhe metodat për parandalimin në kohë dhe trajtimin e kësaj forme të sjelljes devijante ndërmjet të rinjve. Në territorin e Komunës së Çashkës, sot u realizua një aktivitet parandalues me temën „Raporto dhunën në familje“, me qëllim që qytetarët të informohen për dukurinë e dhunës në familje, procedurat që ndërmerren, si dhe të drejtat e tyre dhe masat e mbrojtjes në rastet kur ekziston ndonjë nga format e dhunës në familje. Ndërkaq, nëpunësit policorë të Zyrës Policore të Demir Kapisë zhvilluan një aktivitet për mbrojtjen nga vjedhjet, duke u dhënë udhëzime qytetarëve se si ta rrisin sigurinë personale dhe të kujdesen për sendet e tyre personale.
Në territorin e Velesit dhe Negotinës, sot u realizuan edhe aktivitete parandaluese në trafik, me qëllim që shoferëve t'u tërhiqet vëmendja për rrezikun e drejtimit të automjetit nën ndikimin e alkoolit, i cili përbën kërcënim serioz për sigurinë e tyre dhe të pjesëmarrësve të tjerë në trafik. Gjithashtu, u theksua detyrimi për përshtatjen e shpejtësisë me sinjalistikën rrugore dhe kushtet e rrugës. Në kuadër të aktiviteteve u shpërnda material edukativ i shtypur.
Dje (25.10.2026), Seksioni për Parandalim pranë SPB Tetovë mbajti një ligjëratë edukative me temën „Rregullat për këmbësorët e vegjël“ në shkollën fillore „Naim Frashëri“ në Tetovë, ku u përfshinë nxënësit e klasës së parë. Nëpunësit policorë të trajnuar profesionalisht nga Seksioni për Parandalim pranë SPB Tetovë u shpjeguan fëmijëve se si të lëvizin në rrugë dhe u theksuan rëndësinë e kujdesit dhe respektimit të shenjave të trafikut rrugor.
