Më 30.10.2026, në SHMK „Goce Dellçev“ në Vallandovë, nëpunës policorë të SPB Strumicë – NJPB Vallandovë mbajtën një ligjëratë edukative me temën „Dhuna mes bashkëmoshatarëve“, për nxënësit nga viti i parë deri në vitin e katërt.
Përmes një prezantimi, nxënësit u njohën me format e ndryshme të dhunës mes bashkëmoshatarëve, rëndësinë e raportimit me kohë të rasteve të tilla, si dhe përgjegjësinë personale në krijimin e një mjedisi të sigurt shkollor.
Më 31.10.2026, nëpunës policorë të Seksionit për Parandalim pranë SPB Shtip, në bashkëpunim me nëpunës policorë të Stacionit Policor për Sigurinë e Trafikut Rrugor në Shtip, në disa lokacione në zonën qendrore të qytetit realizuan aktivitete parandaluese me temat „Nëse pi, mos vozit“ dhe „Mbrohu nga vjedhjet e xhepave“. Përmes komunikimit të drejtpërdrejtë me qytetarët dhe shoferët, u dhanë këshilla për pjesëmarrje të përgjegjshme në trafik, shmangien e konsumimit të alkoolit para drejtimit të automjetit, si dhe mbrojtjen e sendeve personale dhe me vlerë. Qytetarëve iu shpërndanë edhe fletushka edukative me këshilla të dobishme.
Me aktivitetet e këtilla, Ministria e Punëve të Brendshme vazhdon angazhimin e saj në fushën e parandalimit dhe ngritjes së vetëdijes për përgjegjësinë personale, sigurinë dhe respektimin e ligjeve.
