Sot (15.09.2026), nëpunësit policorë të Seksioni për Parandalim pranë SPB Veles realizuan aktivitetin parandalues „Ka ndihmë për një jetë pa dhunë“, me qëllim veprimin parandalues për pengimin e shfaqjes së dhunës me bazë gjinore. Gjatë aktivitetit u shpjeguan edhe procedurat dhe mënyrat e veprimit në rastet e dhunës me bazë gjinore, si dhe u prezantuan shërbimet në dispozicion për ndihmë dhe mbrojtje.
Nëpunësit policorë të SPB Veles dhe Njësisë për Parandalim pranë SPB Shkup, në Veles dhe Shkup, realizuan aktivitete parandaluese për mbrojtjen nga deliktet pronësore. Qytetarëve iu dhanë këshilla të dobishme se si të mbrohen nga forma të ndryshme të vjedhjeve, si të sigurojnë shtëpitë e tyre dhe të kujdesen për sendet e tyre personale.
Në territorin e Velesit, Koçanit, Vinicës, Berovës, Shkupit dhe Kavadarcit u realizuan edhe aktivitete parandaluese për trafik të sigurt. Nëpunësit policorë të Stacionit Policor për Siguri në Komunikacion – Veles zhvilluan aktivitetin „Mos përdor telefonin celular gjatë drejtimit të automjetit“, duke u tërhequr vëmendjen drejtuesve të automjeteve për rrezikun e përdorimit të telefonit celular gjatë drejtimit të automjetit. Ndërsa në Kavadar, theksi u vendos në respektimin e shpejtësisë maksimale të lejuar.
Në pikat e pagesës „Sopot“, „Viniça“ dhe „Otovicë“, nëpunësit policorë realizuan aktivitetin parandalues „Drejto automjetin i çlodhur“, ku drejtuesve iu theksua rëndësia e drejtimit të automjetit në gjendje të çlodhur, pasi lodhja dhe ulja e përqendrimit janë ndër shkaqet kryesore të shkaktimit të aksidenteve në komunikacion.
Nëpunësit policorë të Njësisë Policore për Siguri në Komunikacion – Koçan, në Koçan zhvilluan aktivitetin parandalues „Përgjegjshëm para vendkalimit të këmbësorëve“, dedikuar këmbësorëve. Në komunikimin e drejtpërdrejtë me këmbësorët, atyre iu bë e ditur se duhet të lëvizin në trotuare dhe gjatë kalimit të rrugës të mos përdorin telefonin celular ose kufjet. Punëtori edukative për siguri në komunikacion u realizuan në SHFK „Sllavço Stoimenski“ në Vinicë dhe në shkollat fillore në komunën e Kisella Vodës në Shkup.
