Aktivitete parandaluese të SPB Veles

Sot (13.06.) nëpunësit policorë nga Seksioni i parandalimit pranë SPB Veles, në pikat e pagesës "Otovicë", drejtimi rrugor Veles - Shkup dhe "Sopot" në drejtimin rrugor Shkup - Veles, zhvilluan një aktivitet parandalues dhe edukues për mbrojtjen nga zjarri me temën "Të mbrojmë pyjet tona nga zjarret e pyjeve" dhe "Flaka është e pandalshme". Përmes bisedave të drejtpërdrejta me shoferët dhe pasagjerët, u theksua nevoja për sjellje të kujdesshme dhe të përgjegjshme gjatë udhëtimit.

Qytetarëve iu këshillua të mos hedhin bishta cigaresh ose material tjetër të ndezshëm pranë rrugëve, si dhe detyrimi për sjellje të kujdesshme dhe të përgjegjshme gjatë lëvizjes në zonat pyjore, me qëllim uljen e rrezikut nga zjarret në hapësirat e hapura, veçanërisht në periudhën e verës kur temperatura rritet dhe rreziku nga zjarret është më i madh.

Qëllimi i aktivitetit është rritja e kulturës së sigurisë, por edhe forcimi i besimit dhe bashkëpunimit midis policisë dhe qytetarëve. Në të njëjtën kohë, u theksua nevoja për denoncimin në kohë të çdo dukurie të sjelljes së pamatur nga qytetarët, me qëllim sigurimin e reagimit në kohë dhe të shpejtë nga të gjitha institucionet kompetente. Përveç kësaj, u shpërndanë edhe materiale të shtypura me rekomandime edukative, me qëllim rritjen e ndërgjegjësimit për sigurinë dhe uljen e rrezikut të zjarreve.