Sot (17.06.2026), Sektori për Parandalim pranë SPB Tetovë realizoi në disa lokacione në Tetovë aktivitetin parandalues-edukativ me moton “Gjithmonë mbaj helmetën dhe mbro jetën”. Me këtë rast, pjesëmarrësve në komunikacion të cilët drejtojnë motoçikleta iu shpërndanë fletushka me përmbajtje edukative, të përgatitura nga Këshilli Republikan për Siguri në Komunikacionin Rrugor, Ministria e Punëve të Brendshme dhe Fakulteti i Sigurisë – Shkup. Fletushkat përmbanin rregulla dhe rregullore për drejtimin e motoçikletave, me qëllim pjesëmarrjen e sigurt në komunikacion dhe zvogëlimin e rrezikut nga aksidentet rrugore.
Më 17.06.2026, Njësia për Parandalim pranë SPB Shkup zhvilloi një fushatë parandaluese-edukative për mbrojtje nga zjarret në hapësira të hapura në rajonin e Stacionit Policor Gazi Babë, përkatësisht në fshatrat Stajkovc dhe Creshevë. Gjatë aktivitetit, kalimtarëve iu shpërndanë fletushka me mesazhe për mbrojtjen nga zjarret pyjore dhe me apel që, nëse vërejnë zjarr në hapësirë të hapur, ta raportojnë menjëherë në numrin 112.
Më 17.06.2026, në Sveti Nikollë, nëpunës policorë të Stacionit Policor për Siguri në Komunikacionin Rrugor realizuan një aktivitet preventiv me moton “Helmetë ose kokë”. Gjatë aktivitetit, motoçiklistëve iu theksua rëndësia e përdorimit të rregullt të helmetës mbrojtëse. Gjithashtu, pjesëmarrësve në komunikacion që drejtonin motoçikleta iu shpërndanë edhe fletushka me përmbajtje edukative.
Sot, nëpunës policorë për parandalim pranë NJPB Probishtip dhe nëpunës policorë të Stacionit Policor Probishtip realizuan në disa lokacione në Probishtip aktivitete parandaluese me temën “Ndërtojmë miqësi – krijojmë siguri”. Gjatë aktivitetit, theks i veçantë iu kushtua parandalimit dhe mbrojtjes nga veprat penale si vjedhjet, vjedhjet me dhunë dhe mashtrimet. Në biseda të drejtpërdrejta, personat e moshuar dhe pensionistët u informuan për mënyra të ndryshme të kujdesit dhe vetëmbrojtjes, si të njohin mashtrimet dhe si të mbrohen nga vjedhjet dhe grabitjet.
