Sot (05.02.2026) nëpunës policorë nga Seksioni i parandalimit pranë SPB Strumicë dhe Stacionit Policor Strumicë realizuan një ligjëratë edukative me temën "Siguria e këmbësorëve të rinj", me nxënës të Shkollës Fillore "Vidoe Podgorec" në fshatin Koleshinë të Strumicës. Përmes prezantimit dhe materialeve edukative, nëpunësit policorë i njoftuan nxënësit me rregullat themelore të trafikut të cilat janë të nevojshme për pjesëmarrjen e tyre të sigurt në trafik - si këmbësorë ose si drejtues biçikletash dhe trotinetësh. Ligjërata të tilla u mbajtën edhe dje me nxënës nga klasa e parë deri në të pestën në shkollat fillore në fshatrat Mokrino dhe Mokrievo të Strumicës.
Sot, nëpunës policorë nga Stacioni Policor për Siguri Rrugore në Koçan zhvilluan një aktivitet parandalues në fushën e trafikut, me theks në nevojën për servisimin e rregullt të automjeteve dhe kontrollin e gjendjes së tyre teknike. Në Berovë dhe Vinicë u zhvilluan aktivitete parandaluese dhe edukative për mbrojtje nga vjedhjet dhe mashtrimet, me ç'rast nëpunësit policorë i informuan qytetarët se si të mbrohen nga llojet dhe format e ndryshme të vjedhjeve dhe mashtrimeve. Në kuadër të aktiviteteve u shpërndanë edhe materiale edukative.
Në territorin e SPB Shkup, nëpunës policorë nga Njësia e parandalimit në SPB Shkup dhe nëpunës policorë nga SP Kisella Vodë, SP Gjorçe Petrov dhe SP Shuto Orizarë zhvilluan punëtori edukative në tre shkolla fillore me temat "Siguria në shkolla", "Parandalimi i dhunës përmes rrjeteve sociale" dhe "Parandalimi i trafikimit të qenieve njerëzore". Në kuadër të punëtorive edukative, nëpunësit policorë i informuan nxënësit për mënyrat e njohjes, raportimit dhe parandalimit të këtyre fenomeneve. Qëllimi kryesor i punëtorive është përmirësimi i sigurisë së nxënësve dhe zvogëlimi i të gjitha formave të dhunës.
