Më 02.11.2026, nëpunës policorë të Stacionit Policor për Sigurinë e Komunikacionit Rrugor në Shtip, në zonën qendrore të qytetit të Shtipit, realizuan një fushatë edukative me moton „Mos përdor celularin gjatë vozitjes“, përmes komunikimit të drejtpërdrejtë me qytetarët, veçanërisht me shoferët. Shoferëve pjesëmarrës në komunikacion iu shpërndanë fletushka me këshilla të dobishme dhe iu sqaruan dispozitat ligjore lidhur me detyrimin e tyre si drejtues të automjeteve, përkatësisht ndalimin e përdorimit të celularit gjatë drejtimit të automjetit. Qëllimi i aktivitetit ishte ngritja e vetëdijes publike për një komunikacion më të sigurt. Ndërkohë, nëpunës policorë të Stacionit Policor për Sigurinë e Komunikacionit Rrugor në Koçan realizuan një ligjëratë edukative me temën „Mësoj, jap provimin, vozis“, në Shkollën e Mesme Komunale „Gosho Vicentiev“ në Koçan, për nxënësit e vitit të tretë dhe të katërt, me qëllim njohjen e tyre me rregullat dhe dispozitat themelore të komunikacionit.
Më 02.11.2026, zyrtarët policorë të Njësisë Policore Çashkë, në territorin e Komunës së Çashkës, realizuan aktivitet parandalues me temën „Mbroje shtëpinë tënde“.
Në kuadër të këtij aktiviteti, qytetarët morën këshilla se si të mbrohen nga format e ndryshme të vjedhjeve, si t'i sigurojnë shtëpitë e tyre dhe si të kujdesen për sendet personale. Nga ana tjetër, nëpunës policorë të Njësisë së Punëve të Brendshme Kavadar realizuan aktivitet parandalues me moton „Thuaji jo drogës“, me qëllim të ndërgjegjësimit për pasojat e dëmshme të sëmundjeve të varësisë, si dhe për mënyrat dhe metodat që duhet të përdoren dhe zbatohen në përballjen me këtë lloj dukurie. Në kuadër të aktiviteteve u shpërnda edhe material edukativ i shtypur.
