Sot (15.06.2026), në territorin e Stacionit Policor Qendër, Njësia për Parandalim pranë SPB Shkup realizoi një fushatë parandaluese-edukative në fushën e delikteve pasurore me moton: “Mos lini sende me vlerë në automjetin tuaj.”Qëllimi kryesor i aktivitetit është ngritja e kulturës së sigurisë tek qytetarët, si dhe forcimi i besimit dhe bashkëpunimit ndërmjet policisë dhe qytetarëve. Gjatë aktivitetit, drejtuesve të automjeteve iu tërhoq vëmendja që të mos lënë sende me vlerë në automjetet e tyre kur ato janë të parkuara, për të shmangur dëmtimin e automjeteve dhe vjedhjen e sendeve të lëna brenda.
Me këtë rast, në mënyrë të rastësishme, në automjete u vendosën fletushka me përmbajtje edukative. Më 15.06.2026, në disa lokacione në Shtip, nëpunës policorë nga Stacioni Policor për Sigurinë e Komunikacionit Rrugor në Shtip realizuan një aktivitet parandalues me moton: “Me trotinet dhe biçikletë drejtoni gjithmonë në mënyrë të sigurt dhe sipas rregullave.”
Gjatë aktivitetit, biçiklistëve dhe drejtuesve të trotinetëve iu përcoll mesazhi që të respektojnë rregullat dhe rregulloret e komunikacionit. Gjithashtu, pjesëmarrësve në komunikacion iu shpërndanë fletushka me përmbajtje edukative mbi rëndësinë e respektimit të rregullave dhe regulloreve të qarkullimit rrugor.
