Dje (24.05.) në vendkalimet kufitare "Jazhincë" dhe "Bllacë e Poshtme", nëpunësit policorë nga Qendra Rajonale për Çështje Kufitare Veri, së bashku me nëpunës policorë nga Stacionet Policore për Pikat Kufitare Jazhincë dhe Bllacë e Poshtme, dhe në bashkëpunim me kolegët nga Policia Kufitare e Republikës së Kosovës, zhvilluan një aktivitet parandalues në fushën e sigurisë në komunikacion - "Mos pini alkool kur ngisni makinën".
Si pjesë e aktivitetit që synonte rritjen e ndërgjegjësimit dhe përgjegjësisë tek pjesëmarrësit në komunikacion, me qëllim rritjen e kujdesit gjatë drejtimit të automjeteve, drejtuesit e automjeteve u këshilluan të mos konsumojnë alkool gjatë drejtimit të automjeteve, në mënyrë që të mos rrezikojnë jetën e tyre dhe jetën e pjesëmarrësve të tjerë në komunikacion.
Drejtimi i mjetit nën ndikimin e alkoolit është një nga shkaqet e aksidenteve të rënda rrugore. Gjithashtu, nëpunësit policorë zbatuan një aktivitet parandalues nën moton "Vozitni me përgjegjësi, vendosni rripin e sigurimit", me theks të veçantë në faktin se mospërdorimi i rripit të sigurimit është një nga arsyet e një numri të madh vdekjesh dhe lëndimesh të rënda në aksidentet rrugore. Në kuadër të këtyre aktiviteteve, u shpërndanë fletëpalosje edukative me përmbajtje informuese, të përgatitura në bashkëpunim me KRSKRR-në.