Aktivitete parandaluese të SPB Manastir

Sot (23.05.), nëpunësit policorë të Seksionit të parandalimit pranë SPB Manastir në Manastir, në bashkëpunim me Shoqatën "Sumnal" nga Manastiri, mbajtën një punëtori parandaluese me temë - "Parandalimi i martesave të të miturve" si dhe - "Mbrojtja nga dhuna gjinore dhe dhuna në familje". Punëtoria, e cila u mbajt në hotelin Millenium në Manastir, kishte për qëllim rritjen e ndërgjegjësimit rreth martesave të hershme dhe martesave në moshë të mitur, veçanërisht tek popullata e re rome, rreth rreziqeve që vijnë nga hyrja e hershme në institucionin e martesës, si dhe rritjen e ndërgjegjësimit për edukim më të madh tek kategoritë e rrezikuara të qytetarëve dhe tek bashkësitë etnike. Qëllimi i aktivitetit kishte gjithashtu si qëllim rritjen e ndërgjegjësimit të qytetarëve rreth këtyre fenomeneve jashtëzakonisht devijante, njohjen e formave të dhunës gjinore dhe në familje, si dhe informimin e tyre rreth kompetencave të policisë dhe masave të ndërmarra për të mbrojtur viktimat e këtyre llojeve të krimeve. Përndryshe, dje, Seksioni i parandalimit pranë SPB Manastir dhe Stacioni Policor për Sigurinë e Komunikacionit në SPB Manastir realizuan edhe një aktivitet edukativ - "Siguria në Rrugë" për fëmijët e kopshtit "Kolibri" në Manastir. Përmes një ligjerate edukative, fëmijët parashkollorë mësuan rreth rëndësisë së profesionit të nëpunësit policor dhe rëndësisë së tij për sigurinë e qytetarëve. Si pjesë e këtij aktiviteti, fëmijëve iu prezantuan disa nga pajisjet dhe automjetet që nëpunësit policorë i përdorin për të kryer detyrat e tyre të përditshme, si dhe rregullat dhe dispozitat themelore të trafikut kur kalojnë vendkalimet për këmbësorë dhe udhëkryqet.