Më 02.03.2026, nëpunës policorë ngaNJPB Negotinë, në kuadër të SPB Veles, së bashku me përfaqësues të Këshillit Komunal për Siguri në Komunikacionin Rrugor në Negotinë, realizuan aktivitet parandalues me temë “Vozitje e sigurt e traktorit”. Në kuadër të aktivitetit, qytetarëve që drejtojnë makina bujqësore dhe traktorë iu thanë të jenë të kujdesshëm dhe të respektojnë rregullat dhe dispozitat ligjore, veçanërisht në pjesën e mirëmbajtjes së rregullt dhe kontrollit teknik, me qëllim rritjen e sigurisë personale dhe të pjesëmarrësve të tjerë në komunikacion. Gjithashtu, u shpërndanë materiale të shtypura edukative.
Më 03.03.2026, në rrugën rajonale në fshatin Buçishtë, në rajonin e Probishtipit, nëpunës policorë nga NJPB Probishtip, në kuadër të SPB Shtip, realizuan aktivitete parandaluese për rritjen e sigurisë në komunikacion.
Në Koçan, nëpunës policorë nga Stacioni Policor për Siguri në Komunikacionin Rrugor zbatuan aktivitet parandalues me temë “Nëse pi, mos drejto” dhe “Nëse drejton, mos pi”. Gjatë aktivitetit, drejtuesve të automjeteve iu shpërndanë fletushka me përmbajtje edukative dhe rekomandime për respektimin e rregullave dhe dispozitave të komunikacionit, përdorimin e pajisjeve dimërore, ndalimin e përdorimit të telefonit mobil gjatë drejtimit të automjetit, si dhe përshtatjen e detyrueshme të shpejtësisë sipas kushteve të rrugës. U theksua se do të sanksionohet çdo drejtues që drejton automjet nën ndikimin e alkoolit mbi kufirin e lejuar.
Ndërkohë, në shkollën fillore Dedo Iljo Maleshevski në Berovë u mbajt ligjëratë edukative me temë “Parandalimi nga cigarja, alkooli dhe droga” me nxënësit e klasës së nëntë.
Më 03.03.2026, në shkollën fillore Rajko Zhinzifov në territorin e Komunës së Kisella Vodës në Shkup, Seksioni për parandalim pranë SPB Shkup organizoi aktivitet edukativo-parandalues me titull “T’i mbrojmë fëmijët në komunikacion”. Në mënyrë interaktive, nxënësve të klasës së dytë iu prezantuan dhe shpjeguan informacionet bazë për kulturën në komunikacion, rregullat, dispozitat dhe shenjat e komunikacionit, me theks të veçantë tek ato që ndikojnë drejtpërdrejt në sigurinë e fëmijëve si pjesëmarrës në komunikacion, veçanërisht si këmbësorë.
