Dje (30.06.2025) në disa lokacione në Kumanovë, nëpunësit policorë të Seksionit për parandalim, SP për SKRR Kumanovë dhe Këshilli Komunal i Parandalimit kryen aktivitete parandaluese "Mbaj helmetë dhe mbroje jetën tënde".
Aktivitetet parandaluese përfshinë çiklistët, motoçiklistët dhe drejtuesit e trotinetave elektrikë. Nëpunësit policorë u dhanë këshilla të dobishme qytetarëve përmes komunikimit të drejtpërdrejtë dhe theksuan rëndësinë e mbajtjes së helmetës për të shmangur lëndimet më serioze në rast të një aksidenti trafiku, si dhe shpërndanë materiale të shtypura edukative, të përgatitura nga Këshilli Republikan për Sigurinë e Komunikacionit Rrugor, i cili, përveç këshillave për mbajtjen e detyrueshme të helmetës, përfshin edhe rregulla dhe dispozita të tjera për pjesëmarrje të sigurt në trafik.
