Nga ana e Sektorit për Çështje Policore me Kompetenca të Përgjithshme dhe Seksioneve të Parandalimit pranë Ministrisë së Punëve të Brendshme, në bashkëpunim me Klinikën për Kirurgji Plastike dhe Rikonstruktive, në vazhdim është zbatimi i fushatën parandaluese "Krijoni kujtime pa lëndime - thuajini JO piroteknikës!".
Fushata po zbatohet në më shumë se 90 shkolla fillore dhe të mesme në të gjithë vendin, ku përmes prezantimeve edukative dhe komunikimit të drejtpërdrejtë, me shembuj nga praktika dhe mesazhe parandaluese, më shumë se 3,500 nxënës patën mundësinë të dëgjonin mesazhin për rreziqet dhe pasojat e përdorimit të piroteknikës, por edhe të inkurajoheshin të silleshin me përgjegjësi dhe ndërgjegje për sigurinë e tyre dhe të të tjerëve.
Fatkeqësisht, çdo vit festat shënohen edhe me lëndime, frikë dhe ankthe - tek fëmijët, personat me aftësi të kufizuara, qytetarët e moshuar, si dhe të kafshët shtëpiake. Përveç kësaj, shkaktohen dëme materiale dhe prishet rendi dhe qetësia publike. Kjo është arsyeja pse kjo fushatë thekson rëndësinë e kujdesit për të tjerët dhe për komunitetin në tërësi.
U bëjmë thirrje nxënësve, prindërve, mësuesve, institucioneve dhe të gjithë publikut që t'i bashkohen kësaj nisme. Së bashku mund të kontribuojmë për festa më të sigurta dhe të dërgojmë një mesazh të qartë - "Festoni me përgjegjësi, pa alkool pas timonit, pa sjellje të rrezikshme dhe pa piroteknikë. Kështu festat do të kalohen në gëzim, dhe jo në spital apo stacion policor!"
