Në kuadër të projektit “Mbështetje për autoritetet kombëtare të shtetit në uljen e rrezikut nga përhapja dhe keqpërdorimi i armëve të vogla dhe të lehta”, u përfundua me sukses procesi i Programit Rajonal për Certifikimin e Qenve të Policisë për Nuhatjen e Produkteve – një hap i rëndësishëm në forcimin e sigurisë rajonale dhe në luftën kundër krimit transnacional.
Në ceremoninë e organizuar me rastin e përfundimit të trajnimit, drejtori i Byrosë për Siguri Publike pranë Ministrisë së Punëve të Brendshme, Aleksandar Janev, u dorëzoi diplomat pjesëmarrësve, duke theksuar se ky program përfaqëson një ndërtim simbolik, por edhe thelbësor të urave të bashkëpunimit midis institucioneve nga i gjithë rajoni.
“Me gjashtë trajnime modulare dhe me krijimin e ekipeve të gatshme të jenë në vijën e parë të luftës kundër krimit, Qendra Rajonale K9 po e konsolidon veten si një pikë udhëheqëse për trajnim dhe certifikim. Së bashku po investojmë në sigurinë, stabilitetin dhe të ardhmen e rajonit,” theksoi drejtori Janev.
Projekti është realizuar me mbështetjen e OSBE-së, FRONTEX-it dhe donatorëve, bashkëpunimi dhe angazhimi i të cilëve ishin thelbësorë për zbatimin e suksesshëm të programit.
Me aktivitete të tilla, Ministria e Punëve të Brendshme dhe Byroja për Siguri Publike e konfirmojnë përkushtimin e tyre ndaj përmirësimit të vazhdueshëm të kapaciteteve për përballje me krimin e organizuar dhe transnacional, si dhe forcimin e bashkëpunimit rajonal në fushën e sigurisë.
