Sot (14.05.2026), me qëllim promovimin e shprehive të shëndetshme, forcimin e frymës ekipore dhe marrëdhënieve ndërmjet kolegëve, pjesëtarët e Sektorit për Çështje të Komunikacionit dhe Njësitit Mobil për Siguri në Komunikacionin Rrugor morën pjesë në një marsh malor, i cili u zhvillua në territorin e komunës së Petrovecit, në relacionin nga Manastiri “Sh. Petka dhe Sh. Nedela” në fshatin Brezicë, deri te vendi i quajtur “Cërn Vërv”.
Policia e fortë ndërtohet me profesionalizëm, përgatitje fizike, stabilitet mendor dhe respekt të ndërsjellë.
Vazhdojmë të ndërtojmë një polici që do të gëzojë besimin e qytetarëve dhe që do të jetë më e fortë dhe më efikase për garantimin e sigurisë së qytetarëve tanë.
