Ministria e Punëve të Brendshme e Republikës së Maqedonisë së Veriut, si shtet anëtar i ROADPOL-it, nga 4 deri më 10 gusht do të inkuadrohet në aksionin evropian të matjes së shpejtësisë së automjeteve që do të realizohet në mbarë Evropën.
Aksionet kontrolluese do të kryhen në territorin e mbarë vendit me qëllim që të zbulohen vozitësit që drejtojnë automjetet me shpejtësi më të madhe nga e përshkruara.
Ministria e Punëve të Brendshme vazhdon intensivisht me kontrollet e trafikut. U bëjmë thirrje qytetarëve të respektojnë rregullat dhe dispozitat e trafikut me qëllim që të rrisim sigurinë në trafik dhe së bashku të kontribuojmë për rrugë më të sigurta.
Të bëhemi të përgjegjshëm. Të respektojmë kufizimet. Të shpëtojmë jetë.
Roadpol - European Roads Policing Network