Më 12.03.2026 në orën 02:00 në Demir Kapi, nëpunës policorë nga NJPB Negotinë e kanë privuar nga liria një 39-vjeçar nga Demir Kapia, duke vepruar pas një denoncimi paraprak se në shtëpinë e tij kishte kërcënuar babanë e tij 57-vjeçar dhe kishte thyer sende. Gjatë ndërmarrjes së masave u konstatua se ai ishte nën ndikimin e alkoolit, përkatësisht i janë matur 1,95 promilë alkool në gjak.
Më 11.03.2026 në orën 17:30, nëpunës policorë nga SPB Kumanovë e kanë privuar nga liria A.D. (44) nga Kumanova, duke vepruar pas një denoncimi paraprak se për një periudhë më të gjatë kohore e kishte keqtrajtuar fizikisht dhe psikikisht bashkëshorten e tij 46-vjeçare.
Më 11.03.2026 në orën 20:00 në NJPB Kavadarc është zhvilluar bisedë zyrtare me një 38-vjeçar nga Kavadari, duke vepruar pas një denoncimi paraprak se përmes një rrjeti social kishte bërë kërcënime dhe fyerje ndaj bashkëshortes së tij 34-vjeçare, me të cilën ishin në procedurë divorci.
Më 11.03.2026 në orën 11:30 në Gostivar, nëpunës policorë nga NJPB Gostivar e kanë privuar nga liria R. Xh. (43) nga një fshat i Gostivarit, duke vepruar pas një denoncimi paraprak se në shtëpi fizikisht e kishte sulmuar motrën e tij 44-vjeçare.
Më 12.03.2026 në orën 04:30 në SPB Tetovë, një 31-vjeçar nga rajoni i Tetovës ka denoncuar se në automjetin e tij, për shkak të një mosmarrëveshjeje të mëparshme, ishte sulmuar fizikisht nga bashkëshortja e tij 35-vjeçare e pakurorëzuar.
Më 11.03.2026 në orën 10:50 në NJPB Gostivar, R.R. (75) nga Gostivari ka denoncuar se para shtëpisë familjare, për shkak të një mosmarrëveshjeje të mëparshme, ishte sulmuar fizikisht nga i afërmi i tij V.S. nga Gostivari.
Më 11.03.2026 në orën 13:45 në NJPB Gostivar, J.R. (65) nga Gostivari ka denoncuar se në oborrin e shtëpisë së tij, për shkak të një mosmarrëveshjeje të mëparshme, ishte sulmuar fizikisht nga i afërmi i tij M.R..
Më 11.03.2026 në orën 22:25 në Stacionin Policor Kisella Vodë, nëpunës policorë nga SPB Shkup e kanë privuar nga liria A.R. (29) nga Shkupi, duke vepruar pas një denoncimi paraprak nga bashkëshortja e tij 27-vjeçare se në rajonin e Çairit e kishte sulmuar fizikisht.
Më 11.03.2026 në orën 19:35 në Stacionin Policor Kisella Vodë, nëpunës policorë nga SPB Shkup zhvilluan bisedë zyrtare me N.S. (47) nga Shkupi, duke vepruar pas një denoncimi paraprak nga bashkëshortja e tij 47-vjeçare, me të cilën ishin të ndarë për një periudhë më të gjatë kohore, se ai e kishte ndjekur, shqetësuar dhe e kishte incizuar me telefon celular.
Më 11.03.2026 në orën 18:00 në SPB Shkup, një grua 29-vjeçare denoncoi se rreth orës 17:00 në shtëpinë familjare në rajonin e Bit Pazarit ishte sulmuar fizikisht nga bashkëshorti i saj B.R. (34).
Më 11.03.2026 në orën 22:00 në SPB Shkup, Gj.R. (29) nga Shkupi denoncoi se rreth orës 18:00 në fshatin Lubancë, në rajonin e Shkupit, i afërmi i tij N.R. i kishte bërë kërcënime. Po ndërmerren masa për zbardhjen e rastit.
Po ndërmerren masa për zbardhjen e rasteve dhe pas dokumentimit të plotë të tyre kundër autorëve do të parashtrohen kallëzime përkatëse.