Ministri i Punëve të Brendshme, Pançe Toshkovski, sot, në ditën e parë të punës së Vitit të Ri, i bëri një vizitë pune objektit policor në majën malore - Sollunska Gllava, Shtabit Kryesor Operativ të Policisë dhe Stacionit Policor Qendër.
Në bisedë me nëpunësit policorë të Sollunska Gllava, u konfirmua profesionalizmi i lartë dhe përkushtimi në ushtrimin e detyrave zyrtare dhe mirëmbajtjen e sistemeve të telekomunikacionit të Ministrisë së Punëve të Brendshme në funksion, me qëllimin kryesor të garantimit të sigurisë së qetësisë dhe sigurisë së çdo qytetari në vend.
Gjatë vizitës në Shtabin Kryesor Operativ të Policisë, ministri Toshkovski u njoh me ngjarjet dhe aktivitetet e përgjithshme, të cilat i ndërmerr policia për ruajtjen e sigurisë gjatë festave, si dhe gjatë natës së Vitit të Ri, me konkludimin se nata e Vitit të Ri pjesën më të madhe kaloi në siguri të duhur.
"Në periudhën prej orës 14:00 dje deri në orën 05:00 sot në mëngjes, janë regjistruar 31 vepra penale, si dhe 23 aksidente trafiku, nga të cilat dy me lëndime të rënda trupore. Janë arrestuar gjithsej 49 persona për arsye të ndryshme, ndërsa më së shumti në lidhje me tregtinë e palejuar të drogës dhe prishjen e rendit dhe qetësisë publike. Këto janë shifra që tregojnë se shumica dërrmuese e qytetarëve u sollën me përgjegjësi, në ç'mënyrë kontribuan në sigurinë personale dhe sigurinë e përbashkët. Nga ana tjetër, prania e shtuar e policisë në terren kontribuoi që të kemi numër të vogël ngjarjesh të prishjes së rendit dhe qetësisë publike", theksoi ministri Toshkovski.
Gjatë vizitës së tij në Stacionin Policor Qendër, ministri Toshkovski u informua nga udhëheqësia e SPB Shkup për aktivitetet konkrete rreth ruajtjes së sigurisë të qytetarëve në kryeqytet. Ministri Toshkovski theksoi efektet pozitive të sistemit "Qytet i Sigurt", i cili edhe në fazën testuese, ka ulur ndjeshëm numrin e aksidenteve rrugore me viktima dhe lëndime të rënda trupore.
"Numri i përgjithshëm i aksidenteve rrugore që kanë ndodhur në territorin e SPB Shkup në muajin e kaluar në krahasim me dhjetorin e vitit 2024 është zvogëluar për rreth 20%, ndërsa numri i përgjithshëm i personave të lënduar në atë periudhë është zvogëluar për 37%. Në dhjetor të vitit 2024 në territorin e Shkupit pati pesë viktima si pasojë e aksidenteve rrugore dhe asnjë në dhjetor të vitit 2025, dhe me këtë u shpreh falënderim të madh qytetarëve të Maqedonisë që drejtojnë automjete, për viktimat që i kanë shpëtuar me drejtimin e përgjegjshëm dhe pjesëmarrjen në trafik", theksoi ministri Toshkovski.
