Më 28/29.11.2025 në Shkup, në vende të ndryshme, zyrtarë policorë nga SPB Shkup i kanë privuar nga liria D.K. (29) nga Republika e Sllovenisë, O.O. (30) nga Republika e Turqisë, M.I. (39), R.Sh. (42) dhe K.K. (43), të gjithë nga Shkupi, sepse tek ata janë gjetur dhe konfiskuar marihuanë, materie kokërrzore e bardhë dhe katër shishe me lëng. Pas dokumentimit të plotë të rasteve, do të pasojnë parashtresa përkatëse.
Më 28.11.2025 rreth orës 23:15 në NJPB Kërçovë është raportuar se në rrugën “Rudniçka” në Kërçovë, automjeti “Hyundai” me targa të Kërçovës i drejtuar nga S.T. (50) ka goditur këmbësorin B.A. (37), të dy nga Kërçova. Këmbësori ka pësuar lëndime të rënda trupore, të konstatuara në Qendrën Mjekësore Kërçovë. Është kryer ekspertizë nga ekipi hetimor i NJPB Kërçovë.
Më 27.11.2025 në ora 01:47 në SPB Manastir është raportuar se në rrugën Resnjë–Prilep, automjeti “Seat Leon” me targa të Demir Hisarit, i drejtuar nga V.I. (18) nga Demir Hisari, ka dalë nga rruga dhe ka goditur mbrojtësen metalike. Në aksident shoferi ka pësuar lëndime të rënda trupore, ndërsa shoku i tij 17-vjeçar nga fshati Zhurçë – Demir Hisar, ka pësuar lëndime trupore, të konstatuara në Spitalin Klinik të Manastirit. Është kryer ekspertizë nga prokurori publik dhe ekipi hetimor i SPB Manastir.
Më 28.11.2025 në ora 09:40 në Vendkalimin Kufitar Bllacë e Poshtme, në hyrje të shtetit, zyrtarët policorë e kanë privuar nga liria D.M. (29) nga Republika e Kosovës, sepse gjatë kontrollit kufitar është konstatuar se figuron me masë “arresto” sipas kërkesës së Sektorit për Bashkëpunim Policor Ndërkombëtar – Interpol. Ai është dorëzuar te zyrtarët e këtij sektori për procedurë të mëtejshme.
Më 28.11.2025 në ora 21:15, zyrtarë policorë nga SP Gostivar, në rrugën “Vasil Vasilevski” në Gostivar, me urdhër gjyqësor për vuajtje të dënimit me burg, e kanë privuar nga liria A.B. (26) nga Gostivari, i cili kërkohej për vuajtje të dënimit për veprën penale sipas nenit 236 të Kodit Penal – “vjedhje e rëndë”. Ai është transferuar në INP Burgu i Tetovës për të vuajtur dënimin.
Më 28.11.2025 në ora 17:40 në rrugën “Vëllezërit Milladinov” në Tetovë, zyrtarë policorë nga Sektori për Bashkëpunim Policor Ndërkombëtar – Interpol e kanë privuar nga liria Sh.A. (49) nga Tetova, i cili kërkohej për marrje të një automjeti (rent-a-car) në Republikën e Gjermanisë. Ai është ndaluar në stacion policor dhe pas dokumentimit do të pasojë parashtresë përkatëse.
Më 29.11.2025 rreth orës 02:20 në SPB Shkup u raportua nga Kompleksi i Klinikave “Nëna Terezë” se tek ata është sjellë me lëndime një i mitur 16-vjeçar nga fsh. Kondovë – Shkup. Sipas raportimit, më 28.11.2025 rreth orës 20:50 në rajonin e Bit Pazarit, ai është sulmuar fizikisht nga katër persona të cilët ishin me automjet. Po merren masa për zbardhjen e rastit.
Më 29.11.2025 në ora 01:00, në rajonin e Karposhit në Shkup, zyrtarë policorë e privuan nga liria N.P. (46) nga Shkupi, pas raportimit se më 28.11.2025 rreth orës 20:00 në shtëpi ka kërcënuar nënën e tij, ndërsa më pas me mjet të mprehtë edhe vëllain e tij. Pas dokumentimit të plotë do të pasojë parashtresë përkatëse.
Më 28.11.2025 në ora 16:30, S.G. (56) nga Shkupi raportoi në SPB Shkup se rreth orës 12:50 në një stacion autobusi në rajonin Qendër, djali i tij 15-vjeçar është sulmuar fizikisht nga shoku i tij i klasës. Po merren masa për zbardhjen e rastit.
Më 28.11.2025 në ora 15:40, D.V. (66) nga fsh. Bardovc – Shkup, raportoi se në oborrin e tij është sulmuar fizikisht nga fqinji i tij B.B. (39). Pas dokumentimit të plotë do të pasojë parashtresë përkatëse.
Më 28.11.2025 në ora 12:00, nga Burgu Idrizovë në SPB Shkup është raportuar se rreth orës 09:50 gjatë një kontrolli në një dhomë në repartin e hapur ku qëndronin të dënuarit M.K., F.K., I.P. dhe F.A., është gjetur dhe konfiskuar marihuanë. Po merren masa për zbardhjen e rastit.
Më 28.11.2025 në ora 13:40, N.A. (41) nga Shkupi raportoi në SPB Shkup se në një objekt tregtar brenda një shkolle fillore në rajonin e Çairit, djali i tij 13-vjeçar është sulmuar fizikisht nga T. “P”, e punësuar në objekt. Po merren masa për zbardhjen e rastit.
Më 28.11.2025 në ora 23:00, B.B. (32) nga Shkupi raportoi në SPB Shkup se rreth orës 22:25 në rajonin e Gjorçe Petrovit, ai është sulmuar fizikisht nga disa persona të cilët i kanë dëmtuar edhe automjetin. Po merren masa për zbardhjen e rastit.
Më 28.11.2025 në ora 18:08 në NJPB Koçan është raportuar se në një kompani të shërbimeve financiare në Koçan, dy persona me kërcënim me armë zjarri kanë marrë para nga e punësuara. Po merren masa për zbardhjen e rastit.
Më 29.11.2025 në ora 00:27 në DPB Vinicë është raportuar se afër rrugës së vjetër f. Bllatec – Berovë, në vend të quajtur “Cero”, traktori “IMT 539” i drejtuar nga Z.S. (53) nga fsh. Bllatec, ka dalë nga rruga. Shoferi ka ndërruar jetë në vend, ndërsa vdekja është konstatuar nga mjeku. Është kryer ekspertizë nga ekipi hetimor i NJPB Vinicë.
Më 29.11.2025 në ora 01:45 në NJPB Kratovë është raportuar se para një kazinoje në Kratovë është prishur rendi dhe qetësia publike për shkak të një përleshjeje fizike ndërmjet B.S. (32) dhe M.A. (24). Pas dokumentimit të rastit, do të pasojë parashtresë përkatëse.
Më 28.11.2025 në ora 20:10, L.S. (48) nga Kumanova raportoi në SPB Kumanovë se më 27.11.2025 rreth orës 07:30 para një klase në shkollë fillore në Kumanovë, djali i tij i mitur është sulmuar fizikisht nga prindi i shokut të klasës. Po merren masa për zbardhjen e rastit.
SPB Tetovë ka parashtruar kallëzim penal kundër F.N. (60) nga Tetova, për ekzistim të dyshimit se ka kryer veprën penale “prodhim i paautorizuar dhe tregtim të narkotikëve, substancave psikotrope dhe prekursorëve”. Më 17/18.05.2025 në një objekt hotelierik në Tetovë, zyrtarët policorë kanë kryer kontroll te i raportuari, ku janë gjetur dhe konfiskuar metamfetaminë dhe një telefon mobil.
SPB Tetovë ka parashtruar kallëzim penal kundër Ķ.A. (65) nga një fshat në komunën e Jegunovcës, për ekzistim të dyshimit se ka kryer veprën penale “dhunë” ndaj fëmijëve. Më 19.09.2025 në një institucion arsimor në një fshat në komunën e Kamjanit, gjatë orës mësimore, i raportuari në disa raste është sjellë dhunshëm ndaj dy të miturve.