Më 27/28.02.2026 në Shkup, në lokacione të ndryshme, nëpunës policorë nga SPB Shkup i privuan nga liria G.K. (31), S.J. (48) dhe N.M. (31), të gjithë nga Shkupi, për shkak se u ishte gjetur dhe sekuestruar marihuanë, një pistoletë dhe 13 fishekë. Pas dokumentimit të plotë të rasteve, ndaj tyre do të parashtrohen kallëzime përkatëse.
Me datë 27.02.2026, rreth orës 06:10, në SPB Manastir u njoftua se në rrugën lokale për në fsh. Obednik, komuna e Demir Hisarit, ka ndodhur aksident rrugor në të cilin një automjet udhëtarësh “Hjundai” me targa të Demir Hisarit, i drejtuar nga S.S. (45) nga f. Obednik, ka dalë nga rruga. Pas aksidentit, S.S. është bartur me autoambulancë në Spitalin Klinik të Manastirit, së cilës i janë konstatuar lëndime të rënda trupore. Këqyrjen e vendit të ngjarjes e ka kryer ekipi hetimor i SPB Manastir.
Me datë 28.02.2026, në orën 02:00, në NJPB Prilep u njoftua se në rrugën Prilep–Makedonski Brod ka ndodhur aksident rrugor ndërmjet një automjeti “Audi” me targa të Prilepit, i drejtuar nga F.I. nga fsh. Debreshtë dhe një automjeti “BMV” me targa të Prilepit, i drejtuar nga E.Sh. nga fsh. Debreshtë. Pas aksidentit, bashkudhëtari 17-vjeçar i automjetit “Audi” është dërguar në Spitalin e Përgjithshëm të Qytetit të Prilepit, ku i janë konstatuar lëndime të rënda trupore. Këqyrjen e vendit të ngjarjes e ka kryer ekipi hetimor i NJPB Makedonski Brod.
SPB Ohër ngriti kallëzim penal kundër B.A. (33) nga Shkupi, për shkak të ekzistimit të bazave të dyshimit për kryerje të veprës penale “prodhimi i paautorizuar dhe lëshimi në qarkullim i drogave narkotike, substancave psikotrope dhe prekursorëve”. Ai, në mënyrë të paautorizuar, ka siguruar marihuanën dhe farat e kanabisit, i ka ripaketuar në paketime më të vogla dhe ka kryer në mënyrë të paautorizuar shitjen me qëllim që të përfitojë dobi pasurore në mënyrë të kundërligjshme. Gjatë kontrollit në automjetin e tij, janë gjetur dhe sekuestruar 27 fara kanabisi, ndërsa më pas, gjatë bastisjes në apartamentin e tij në Ohër, të realizuar me urdhër gjykate, është gjetur dhe sekuestruar marihuanë.
Më 27.02.2026 rreth orës 22:30 në Shkup, në zonën e Qendrës, nëpunës policorë ndaluan një automjet udhëtarësh të drejtuar nga Z.T. (33) nga Shkupi, në të cilën ndodheshin dy të mitura me të cilat njihej më parë, por nuk kishin kurrfarë lidhje farefisnore. Ai është privuar nga liria dhe me të është zhvilluar bisedë zyrtare në stacion policor, ndërsa bisedë zyrtare është zhvilluar edhe me dy të miturat në prani të prindërve, mbrojtësit dhe ekipit profesional nga Institucioni Publik – Qendra Ndërkomunale për Punë Sociale. Po merren masa për zbardhjen e plotë të rastit, pas çka do të vijojë parashtresë përkatëse.
Me datë 27.02.2026, rreth orës 14:00, në SPB Shkup u njoftua se në zonën e Karposhit është gjetur pa ndjenja një e mitur 16-vjeçare. Ajo është dërguar në Kompleksin e Klinikave “Nënë Tereza” për dhënie të ndihmës mjekësore, ndërsa tek ajo janë gjetur një shishe e vogël me substancë pluhurore të bardhë dhe një substancë e ngurtë e bardhë, ndërsa me të ka qenë edhe P.S. (18) nga Shkupi. Po merren masa për zbardhjen e rastit.
Me datë 27.02.2026, në orën 20:40, në SPB Tetovë, J.B. (33) nga fsh. Pallaticë ka denoncuar se ishte sulmuar fizikisht nga M.I. dhe J.S., të dy nga fsh. Pallaticë, ndërsa më vonë ishte sulmuar përsëri nga J.S. dhe R.S. Po merren masa për zbardhjen e rastit.
Me datë 27.02.2026, në orën 16:30, në SPB Tetovë, T.D. (47) nga Tetova dhe P.T. (47) nga Tetova, trajner i një klubi futbolli për fëmijë, kanë denoncuar për dhunë në një ndeshje sportive. Sipas denoncimit, në ndeshjen e zhvilluar në stadiumin e Tetovës, ndërmjet ekipeve Dardania dhe Fit-Kid, disa persona kanë tentuar të sulmojnë lojtarët e ekipit Fit-Kid. Në lidhje me ngjarjen është privuar nga liria H.M. (48) nga Tetova, i cili gjatë ndërhyrjes ka ofenduar edhe nëpunësit policorë. Po merren masa për zbardhjen e rastit.
Më 27.02.2026 në orën 20:40 në SPB Tetovë, J.B. (33) nga fsh. Pallaticë denoncoi se ishte sulmuar fizikisht nga M.I. dhe J.S., të dy nga fsh. Pallaticë, ndërsa më vonë ishte sulmuar përsëri nga J.S. dhe R.S. Po merren masa për zbardhjen e rastit.
Më 27.02.2026 në orën 16:30 në SPB Tetovë, T.D. (47) nga Tetova dhe P.T. (47) nga Tetova, trajner i një klubi futbolli për fëmijë, kanë denoncuar dhunën në një ndeshje sportive. Sipas denoncimit, në ndeshjen e zhvilluar në stadiumin e Tetovës, ndërmjet ekipeve Dardania dhe Fit-Kid, disa persona kanë tentuar të sulmojnë lojtarët e ekipit Fit-Kid. Në lidhje me ngjarjen është privuar nga liria H.M. (48) nga Tetova, i cili gjatë ndërhyrjes ka ofenduar edhe nëpunësit policorë. Po merren masa për zbardhjen e rastit.
Më 27.02.2026 në SPB Shkup është denoncuar se më 24.02.2026 në zonën e Shuto Orizarit, pas një mosmarrëveshjeje paraprake ndërmjet dy të miturve, M.H. (22), I.H. (23) dhe R.H. (46) e kanë sulmuar fizikisht njërin nga të miturit. Më pas është denoncuar se ka ardhur deri te prishja e rendit dhe qetësisë publike me përleshje fizike ndërmjet I.Z. (54) dhe R.Z. (36) nga njëra anë dhe M.H. dhe I.H. nga ana tjetër, të gjithë nga Shkupi. Po merren masa për zbardhjen e rastit.
SPB Manastir ngriti kallëzim penal ndaj G.N. (47) nga Manastiri për shkak të ekzistimit të bazave të dyshimit për kryerje të veprës penale “prodhimi i paautorizuar dhe lëshimi në qarkullim i drogave narkotike, substancave psikotrope dhe prekursorëve”. Më 12.02.2026 në Manastir, nëpunës policorë kanë realizuar bastisje në shtëpinë e të denoncuarit, me ç’rast janë gjetur dhe sekuestruar heroinë dhe marihuanë.
Më 27.02.2026 në orën 16:30 në SPB Shkup, një grua 22-vjeçare ka denoncuar se rreth orës 12:00 në shtëpinë e saj në zonën e Draçevës ishte sulmuar fizikisht nga partneri i saj jashtëmartesor S.S. (22) nga Shkupi. Po merren masa për zbardhjen e rastit.
Më 27.02.2026, në orën 05:30, në Pikën e Kalimit Kufitar Deve Bair, në hyrje të shtetit, nëpunës policorë e kanë privuar nga liria Z.A. (55) nga Turqia, i cili drejtonte automjet transportues “DAF” me gjysmërimorkio me targa turke, për shkak se gjatë kontrollit kufitar është konstatuar se kartoni i gjelbër ndërkombëtar për sigurimin e gjysmërimorkios, të cilën e ka paraqitur për kontroll, është i falsifikuar. Ai iu dorëzua nëpunësve policorë të Stacionit Policor Kriva Pallankë për veprime të mëtejshme.