Më 26/27.09.2026, në lokacione të ndryshme në Shkup, nëpunës policorë të SPB Shkup i privuan nga liria I.B. (40) dhe një 17-vjeçar, të dy nga Shkupi, si dhe Sh.K. (23) nga fsh. Haraçinë, rrethina e Shkupit dhe N.H. (32) nga Velesi, pasi tek ata u gjetën dhe u sekuestruan marihuanë dhe një lëndë pluhurore e bardhë. Pas dokumentimit të plotë të rasteve, ndaj tyre do të vijojnë parashtresa përkatëse.
Më 26.09.2026, në orën 22:35, nëpunës policorë të Njësisë për tregti të palejuar me drogë dhe armë dhe të ekipit mobil „Task Force“ pranë SPB Kumanovë e privuan nga liria P.D. (18) nga fsh. Kojnare e Poshtme, rrethina e Kumanovës. Gjatë kontrollit tek ai ishte gjetur një lëndë kokërrzore e bardhë. Ai u dërgua në stacion policor dhe, pas dokumentimit të plotë të rastit, ndaj tij do të vijojë kallëzim përkatës.
Më 26.09.2026, në orën 10:30, në Pikën Kufitare Aeroporti Ndërkombëtar i Shkupit, nëpunësit policorë e privuan nga liria M.D.F.S. (35) nga Franca, pasi gjatë kontrollit kufitar dhe verifikimeve në evidencën operative u konstatua se figuronte masën „arresto“, me kërkesë të SPB Shkup. Personi iu dorëzua stacionit policor për veprime të mëtejshme.
Zyra e Jashtme për Çështje Kriminalistike Strugë ka paraqitur kallëzim penal kundër A.S. (67) dhe D.S. (42), të dy nga Velesi, mbi dyshime të bazuara për kryerjen e veprës penale „mashtrim“, sipas nenit 247 të Kodit Penal. Më 06.08.2026, në Strugë, të kallëzuarit kanë mashtruar një 88-vjeçar dhe i kanë marrë 300.000 denarë. Ata kanë kërkuar prej tij që t'u sillte denarë që t’i shihte gruaja e njërit prej tyre, e cila ishte nga një shtet i huaj, ndërsa në këmbim do ta shpërblenin. Ai i ka sjellë paratë dhe ua ka dhënë, ndërsa ata si garanci i kanë dhënë një çantë për të cilën i kanë thënë se kishte rreth 10.000 euro brenda. Të kallëzuarit janë larguar dhe, pasi nuk janë kthyer për gjysmë ore edhe i dëmtuari është kthyer në shtëpi. Kur e ka hapur çantën, ka parë se brenda nuk kishte para dhe e ka kuptuar se është mashtruar.
Më 27.09.2026, në orën 02:42, SPB Shkup është njoftuar se në periudhën nga ora 15:00 e datës 26.09.2026 deri në momentin e denoncimit, me përdorim force është hyrë në objektin e një stacioni për kontroll teknik në rrugën „Aleksandar Urdarevski“, në zonën e Çairit dhe nga zyra e përgjegjësit është marrë pajisja regjistruese e sistemit të video-mbikëqyrjes. Nëpunësit policorë kanë dalë në vendngjarje dhe kanë konstatuar se me përdorim force ishte hyrë edhe në një filial banke, si dhe në zyrën e MPB-së, të cilat ndodhen në kuadër të objektit, por nuk ishte marrë asgjë. Është bërë hetim dhe po ndërmerren masa për zbardhjen e rastit.
Më 26.09.2026, rreth orës 15:40, në zonën e Shuto Orizarës, nëpunës policorë të SPB Shkup e privuan nga liria A.D. (44) nga Shkupi. Ai më parë kishte sulmuar fizikisht bashkëshorten e tij 42-vjeçare, e pasi kishte ardhur në Njësinë Policore Shuto Orizarë për ta denoncuar rastin, ai kishte ardhur për ta marrë, ishte sjellë në mënyrë agresive ndaj nëpunësve policorë, e kishte sulmuar sërish dhe kishte tentuar të arratisej, por ishte kapur dhe privuar nga liria. Pas dokumentimit të plotë të rastit, ndaj tij do të paraqitet kallëzim përkatës.
Më 26.09.2026, në orën 16:30, në Negotinë, nëpunës policorë të NJPB Negotinë e privuan nga liria V.I. (51) nga Negotina, duke vepruar pas denoncimit të mëparshëm se në shtëpinë e tij kishte sulmuar fizikisht bashkëshorten e tij 45-vjeçare. Pas dokumentimit të rastit, ndaj tij do të paraqitet kallëzim përkatës.
Më 26.09.2026, në orën 22:20, në Shtip, nëpunës policorë të Njësisë për tregti të palejuar me armë dhe drogë pranë SPB Shtip e privuan nga liria I.M. (31) nga fsh. Erxheli, rrethina e Sveti Nikollës. Gjatë kontrollit tek ai është gjetur dhe sekuestruar një lëndë kokërrzore e bardhë. Për ngjarjen është njoftuar prokurori publik dhe pas dokumentimit të plotë të rastit, do të vijojë kallëzimi përkatës.
Më 26.09.2026, në ora 21:30, në Shkup, nëpunës policorë të SPB Shkup e privuan nga liria Gj.B. (31) nga Shkupi, nën dyshimin se në zonën e Gazi Babës në Shkup kishte vjedhur një katërçikël për fëmijë. Sendi i vjedhur është gjetur dhe i është kthyer pronarit. Pas dokumentimit të plotë të rastit, ndaj tij do të parashtrohet parashtresë përkatëse.
Më 26.09.2026, në orën 21:45, në një rrugë lokale në fsh. Pallçishtë e Epërme, nëpunës policorë të Njësisë Policore Kamjan e ndaluan M.I. (23) nga Tetova. Gjatë kontrollit të një automjeti udhëtarësh „BMV“, në të cilin ai ishte pasagjer, tek ai janë gjetur dhe sekuestruar marihuanë dhe thërrmueses. Pas dokumentimit të plotë të rastit, do të vijojë parashtresë përkatëse.
Sot (27.09.2026), në orën 03:00, në zonën e Qendrës në Shkup, nëpunës policorë të SPB Shkup i ndaluan M.E. (19), G.S. (19), I.R. (20), A.M. (20), L.Gj. (19), A.A. (19), V.G. (19), Zh.A. (20) dhe gjashtë 17-vjeçarë, të gjithë nga Shkupi, për shkak se kishin prishur rendin dhe qetësinë publike me përleshje fizike mes tyre. Pas dokumentimit të plotë të rastit, ndaj tyre do të parashtrohen parashtresa përkatëse.
Më 26.09.2026, në orën 16:50, në Shkup, nëpunës policorë të SPB Shkup e ndaluan F.B. (45) nga Shkupi, pasi ishte sjellë në mënyrë agresive ndaj nëpunësve policorë gjatë kryerjes së detyrave të tyre zyrtare. Pas dokumentimit të plotë të rastit, do të pasojë parashtresë përkatëse.
Më 26.09.2026, në orën 12:30, në rrugën „Mara Ugrinova“ në Gostivar, nëpunës policorë e privuan nga liria E.B. (35) nga Gostivari, pasi gjatë kontrollit tek ai janë gjetur marihuanë dhe sende me mbetje marihuane. Ai është mbajtur në stacion policor dhe pas dokumentimit të rastit, ndaj tij do të ngrihet kallëzim.
Sot (27.09.2026), në orën 03:24, SPB Shkup është njoftuar se në një shtëpi familjare në zonën e Komunës së Aerodromit në Shkup, një 43-vjeçar nga Shkupi i kishte bërë kërcënime bashkëshortes së tij me një send të mprehtë. Personi është dërguar në institucion shëndetësor dhe pas dokumentimit të plotë të rastit, do të pasojë parashtresë përkatëse.
Më 26.09.2026, në orën 08:41, në SPB Shkup, nga Institucioni Shëndetësor Publik „Shën Naum Ohridski“ në Shkup u njoftua se tek ata ishte sjellë me lëndime T.N. (60) nga fsh. Marinë, rrethina e Shkupit. Sipas njoftimit, ai ishte lënduar gjatë kryerjes së detyrave të punës në Ndërmarrjen Publike Komunale „Vodovod – Ilinden“. Për rastin është njoftuar inspektori i punës.
Më 26.09.2026, në orën 16:00, në Stacionin Policor Karposh u njoftua se në një kanal pranë rrethojës së një institucioni shëndetësor publik në Bardovc është gjetur një trup i pajetë. Një ekip i SPB Shkup ka bërë këqyrje të vendit të ngjarjes, ndërsa trupi është marrë dhe është dërguar për autopsi.
Sot (27.09.2026), në orën 00:30, në SPB Shkup, një 34-vjeçare nga Shkupi ka denoncuar se më 25.09.2026 dhe 26.09.2026, në Shkup, ishte sulmuar fizikisht nga ish-partneri i saj I.M. nga Shkupi. Sipas denoncimit, ajo gjatë periudhës së kaluar ishte keqtrajtuar fizikisht nga ai. Po ndërmerren masa për zbardhjen e rastit.