NJPB Kavadar ngriti kallëzim penal kundër N.I. (32) nga Kavadari për shkak të ekzistimit të dyshimit të bazuar për kryerje të veprës penale "prodhimi i paaurtorizuar dhe lëshimi në qarkullim i drogave narkotike, substancave psikotrope dhe prekursorëve". Më 18.04.2025, nëpunës policorë realizuan bastisje në shtëpinë e të denoncuarit, me ç'rast ishin gjetur dhe sekuestruar fara të bimës së kanabisit, marihuanë dhe një peshore digjitale me mbetje amfetamine, kokaine dhe tetrahidrokanabinoli.
Zyra e Jashtme për Çështje Kriminalistike në Dellçevë ngriti kallëzim penal kundër një burri 54-vjeçar nga Dellçeva për shkak të ekzistimit të dyshimit të bazuar për kryerje të veprave penale "rrezikim i sigurisë" dhe "lëndim trupor". I denoncuari e ka keqtrajtuar psikikisht gruan e tij 54-vjeçare për një periudhë të gjatë kohore dhe e ka kërcënuar atë, ndërsa në periudhën nga 06.01.. deri më 08.01.2026 e ka sulmuar fizikisht në shtëpinë familjare.
Zyra e Jashtme për Çështje Kriminalistike në Gostivar ngriti kallëzim penal kundër G.B. (46) nga fshati Debresh, rrethina e Gostivarit, për shkak të ekzistimit të dyshimit të bazuar për kryerje të veprës penale “sulm ndaj personit zyrtar gjatë kryerjes së punëve të sigurisë”. Më 25.12.2025 në hapësirën e parkingut të Ndërmarrjes Publike “Komunalec” në Gostivar, i denoncuari ka sulmuar fizikisht një nëpunës policor gjatë kryerjes së detyrave zyrtare.
Zyra e Jashtme për Çështje Kriminalistike Vallandovë ngriti kallëzim penal kundër K.D. (55) nga Josifova për shkak të ekzistimit të dyshimit të bazuar për kryerje të veprës penale "keqpërdorim i detyrës dhe autorizimit zyrtar" dhe kundër Z.M. (51) nga Strumica për shkak të ekzistimit të dyshimit të bazuar për kryerje të veprës penale "mashtrim". I denoncuari i dytë Z.M. gjatë vitit 2022 i ka dhënë autorizim një personi tjetër për shitjen e pasurisë së tij të patundshme, edhe pse më parë kishte dhënë deklaratë se nuk do ta tjetërsonte, ta linte peng ose në ndonjë mënyrë tjetër ta vinte në dispozicion pa pëlqimin me shkrim të përfituesit (remitentit) të kredisë. Pas kësaj, personi ka lidhur kontratë për shitjen e pasurisë së patundshme me babanë e tij, ndërsa përmes noterit është bërë vërtetimi ose solemnizimi i kontratës dhe e njëjta është proceduar në mënyrë elektronike në Njësinë e Kadastrës së Pasurive të Patundshme për regjistrimin e ndryshimit. Ndërsa, e denoncuara e parë K.D., si referente e pavarur për çështje gjeodezike, ka bërë një ndryshim në kadastër, gjegjësisht parcela e kontestuar iu kthye pronarit të mëparshëm, gjegjësisht të denoncuarit të dytë Z.M..
Zyra e Jashtme për Çështje Kriminalistike Gostivar ngriti kallëzim penal kundër Z.Sh. (59) nga Gostivari për shkak të ekzistimit të dyshimit të bazuar për kryerje të veprës penale "kërcënim me mjet të rrezikshëm gjatë një përleshjeje ose zënke". Më 27.11.2025 në shtëpinë familjare, i denoncuari rentoi të sulmonte djalin e tij 35-vjeçar me një send të mprehtë.
Më 26.01.2026 në periudhën prej orës 17:30 deri në orën 18:00, sipas urdhrit të Gjykatës Themelore Dellçevë, nëpunës policorë nga NJPB Dellçevë realizuan bastisje në shtëpi dhe në ambientet ndihmëse të V.M. (30) nga f. Todorovc, komuna e Makedonska Kamenicës. Gjatë bastisjes, në garazh janë gjetur dhe sekuestruar një pushkë gjuetie “Cërvena Zastava” e kalibrit 16GA dhe shtatë kuti me gjithsej 155 fishekë gjuetie të kalibrit 16GA. Është njoftuar prokurori publik dhe pas dokumentimit të plotë të rastit, kundër tij do të ngrihet kallëzim përkatës.
Më 26/27.01.2026 në Shkup, në lokacione të ndryshme, nëpunës policorë nga SPB Shkup i privuan nga liria J.P. (39) dhe D.P. (44), të dy nga Shkupi dhe një 16-vjeçar nga f. Straçinc, rrethina e Shkupit, sepse tek ata janë gjetur dhe sekuestruar marihuanë dhe një tabletë. Pas dokumentimit të plotë të rasteve, do të vijojnë parashtresa përkatëse.
Më 26.01.2026 në orën 20:00 në SPB Shkup, një burrë 49-vjeçar ka denoncuar se rreth orës 02:00 një person e ka dëmtuar me një send të fortë derën hyrëse të objektit të tij të hotelerisë në fshatin Gërçec, rrethina e Shkupit. Po merren masa për zbardhjen e rastit.
Më 27.01.2026 në orën 02:00 në SPB Shkup, u njoftua se një automjet udhëtarësh "Audi" me targa të Shkupit, në pronësi të G.Ç. (20) nga Shkupi, është djegur në një hapësirë parkingu në rr. "Hristo Tatarçev" në Shkup. Persona të lënduar nuk ka, ndërsa një ekip i Brigadës së Zjarrfikësve të Shkupit e shoi zjarrin. Është bërë këqyrje e vendit të ngjarjes nga një ekip i SPB Shkup.
Më 27.01.2026 në orën 03:30, në SPB Shkup u njoftua se një automjet pasagjerësh "Audi A4" me targa të Shkupit, në pronësi të 61-vjeçares R.L.G. nga Shkupi, është djegur në një hapësirë parkingu në rr. "Llazar Dimitrov" në Shkup. Persona të lënduar nuk ka, ndërsa një ekip nga Brigada e Zjarrfikësve të Shkupit e shoi zjarrin. Është bërë këqyrje e vendit të ngjarjes nga një ekip i SPB Shkup.
Më 26.01.2026 në orën 13:40 në shëtitoren "Dimitar Vllahov" në Shkup, nëpunës policorë nga NJPB Qendër dhe Bit Pazar e kanë privuar nga liria K.K. (30) nga Turqia. Ai dyshohet se ka mashtruar një shtetas tjetër turk për shumën prej 6.650 eurosh. Sipas denoncimit, në tetor 2025, ai ka hyrë në kontakt me personin përmes një rrjeti social dhe i ka premtuar se do t'i ndërmjetësojë për marrjen e dokumenteve të punës dhe qëndrimit në vend, pas çka, në disa raste përmes llogarisë së transaksionit iu paguan mjetet financiare. Pasi K.K. ndaloi së kontaktuari me të, i dëmtuari e denoncoi rastin në stacion policor. Po merren masa për zbardhjen e rastit.
SPB Veles ngriti kallëzim penal kundër M.T. (45) nga Velesi për shkak të ekzistimit të dyshimit të bazuar për kryerje të veprës penale "prodhimi i paaurtorizuar dhe lëshimi në qarkullim i drogave narkotike, substancave psikotrope dhe prekursorëve". Më 27.05.2025 në Veles, nëpunësit policorë vunë re të denoncuarin duke tentuar që të hedhë një pako me heroinë, e cila u gjet dhe u konfiskua.
Më 27.01.2026 në orën 01:45 në Shkup, në zonën e Bit Pazarit, nëpunës policorë nga SPB Shkup ndaluan 28-vjeçaren Z.K. nga Shkupi për shkak se ajo ishte sjellë në mënyrë agresive ndaj nëpunësve policorë të cilët kryenin detyra zyrtare. Pas dokumentimit të plotë të rastit, do të vijojë parashtresë përkatëse.
Më 27.01.2026 në orën 00:30 në SPB Shkup, një grua 40-vjeçare nga Shkupi ka denoncuar se më 26.01.2026 rreth orës 20:00 në zonën e Gazi Babës, partneri i saj D.P. e ka sulmuar fizikisht në shtëpinë e tij. Po merren masa për zbardhjen e rastit.
Më 26.01.2026 në orën 11:30 në Stacionin Policor Kisella Vodë, nëpunës policorlë nga SPB Shkup e privuan nga liria R.Q. (32) nga Shkupi, duke vepruar në bazë të kallëzimit të mëparshëm të ish-partneres së tij 34-vjeçare se më 23.01.2026 e kishte kërcënuar se do të shpërndante një video kompromentuese të saj. Pas dokumentimit të plotë të rastit, kundër tij do të ngrihet kallëzim përkatës.
Më 26.01.2026 në orën 16:00 në Stacionin Policor Kisella Vodë, nëpunës policorë nga SPB Shkup zhvilluan një bisedë zyrtare me V.T. (49) nga Shkupi, duke vepruar në bazë të kallëzimit të mëparshëm të bashkëshortes së tij 42-vjeçare se më 24.01.2026 në shtëpinë e tij në zonën e Qendrës e ka sulmuar fizikisht dhe i ka marrë telefonin celular. Pas dokumentimit të plotë të rastit, do të vijojë parashtresë përkatëse.
Më 26.01.2026 në orën 11:40 në Shkup, në zonën e Bit Pazarit, nëpunës policorë nga SPB Shkup e privuan nga liria A.S. (77) nga një rreth i Shkupit, duke vepruar në bazë të kallëzimit të mëparshëm të një gruaje 51-vjeçare nga Shkupi se ai e kishte prekur në trup. Pas dokumentimit të plotë të rastit, do të pasojë një raport përkatës.
Më 25.01.2026 në orën 15:50 në SPB Shkup, V.P. (29) nga Shkupi ka denoncuar se në një hapësirë parkingu në zonën e Karposhit, pas një moskuptimi të mëparshëm në një autobus në pronësi të një kompanie private, ishte sulmuar fizikisht nga shoferi dhe një person tjetër. Po merren masa për zbardhjen e rastit.
Më 26.01.2026 në orën 15:30 në SPB Shkup, S.S. (36) nga f. Saraj, rajoni i Shkupit ka denoncuar se rreth orës 12:40 në sallën sportive të një shkolle fillore në zonën e Gjorce Petrovit të Shkupit, djali i tij i mitur ishte sulmuar fizikisht nga A.P. (48) nga Shkupi, arsimtar në shkollë. Pas dokumentimit të plotë të rastit, do të vijojë kallëzimi përkatës.