Më 25.05.2026 në Shkup, në lokacione të ndryshme, nëpunës policorë nga SPB Shkup i privuan nga liria I.I. (51), 20-vjeçaren A.J. dhe 20-vjeçaren M.C., të gjithë nga Shkupi, pasi tek ata ishte gjetur dhe sekuestruar marihuanë. Pas dokumentimit të plotë të rastit, ndaj tyre do të parashtrohen kallëzime përkatëse.
Më 25.05.2026 në orën 14:10 në NJPB Kavadar u njoftua se në territorin e fsh. Vatashë, rrethina e Kavadarit, në një arë në vendin e quajtur Moklishte, traktori i drejtuar nga I.P. (67) nga fsh. Vatashë ishte përmbysur, me ç’rast drejtuesi kishte pësuar lëndime. Në vendngjarje i ishte dhënë ndihmë nga Njësia Territoriale Zjarrfikëse Kavadar dhe nga Ndihma e Shpejtë Mjekësore Kavadar, pas çka ishte transportuar në Spitalin e Përgjithshëm Kavadar, me ç’rast i ishin konstatuar lëndime të rënda trupore. Është njoftuar prokurori publik, ndërsa hetim në vendin e ngjarjes ka kryer ekipi hetimor i NJPB Kavadar.
Më 25.05.2026 në orën 21:23 në NJPB Koçan u njoftua se në rrugën magjistrale Shtip–Dellçevë, afër vendit të quajtur “Komposara”, kishte ndodhur një aksident trafiku ndërmjet një automjeti transportues “Pezho” me targa të Vinicës, i drejtuar nga A.S. (48) nga Vinica, dhe një mopedi pa targa, i drejtuar nga A.Gj. (42) nga Koçani. Si pasojë e lëndimeve të marra në aksident, A.Gj. ndërroi jetë gjatë transportimit për në spitalin e Koçanit, ndërsa mjeku konstatoi vdekjen. Është bërë hetim nga prokurori publik dhe ekipi hetimor i NJPB Koçan.
Më 25.05.2026 në orën 11:55 në SPB Shkup u njoftua se në rrugën “Qemal Sejfulla” në Shkup kishte ndodhur një aksident trafiku në të cilin ishin përfshirë një automjet pasagjerësh “Kia” me targa të Shkupit, e drejtuar nga 45-vjeçarja V.H.M., një motoçikletë “Honda” me targa të Shkupit, e drejtuar nga S.S. (24), një automjet pasagjerësh “Mercedes” me targa të Shkupit, e drejtuar nga N.H. (53) dhe një automjet pasagjerësh “Mercedes” me targa të Shkupit, e ndaluar nga S.A. (65), të gjithë nga Shkupi. Nga ky aksident, motoçiklisti pësoi lëndime të rënda trupore, të konstatuara në Kompleksin e Klinikave “Nënë Tereza”. Hetim në vendngjarje kreu ekipi hetimor i SPB Shkup.
Më 25.05.2026 rreth orës 18:45 në SPB Kumanovë u njoftua se në kryqëzimin e bulevardit “Brigada e Tretë Sulmuese Maqedonase” dhe rrugës “JNA” në Kumanovë kishte ndodhur një aksident trafiku ndërmjet një automjeti pasagjerësh “Folksvagen Golf” me targa të Kumanovës, e drejtuar nga 24-vjeçarja L.Sh. nga fsh. Ramanli, rajoni i Kumanovës dhe një motoçiklete “Kavasaki” me targa të Kumanovës, e drejtuar nga L.R. (27) nga fsh. Çerkez, rajoni i Kumanovës, pas çka automjeti i pasagjerëve “Golf” ka goditur edhe një automjet pasagjerësh “Citroën” me targa të Kumanovës, i ndaluar nga A.R. (43) nga Kumanova. Në aksident, motoçiklisti pësoi lëndime të rënda trupore, ndërsa L.Sh. dhe bashkudhëtarët e saj M.Sh. (51) dhe një i mitur, të dy nga Kumanova, pësuan lëndime trupore, të konstatuara në Spitalin e Përgjithshëm të Kumanovës. Hetim në vendngjarje kreu ekipi hetimor i SPB Kumanovë.
Më 25.05.2026 në ora 20:55 në SPB Shkup u njoftua se në rrugën f.Batinc – f.Markova Sushicë, komuna e Studeniçanit, një veturë “Folksvagen Golf” me targa të Shkupit, e drejtuar nga A.I., kishte goditur këmbësorin I.M. (65), që të dy nga fsh. Cvetovë, komuna e Studeniçanit. Nga ky aksident, këmbësori ka pësuar lëndime të rënda trupore, të konstatuara në Kompleksin e Klinikave “Nënë Tereza”. Hetim në vendngjarje kreu ekipi hetimor i SPB Shkup.
Më 25.05.2026 rreth orës 13:30 në SPB Shkup u njoftua se në rrugën “Hristo Smirnenski”, gjatë gërmimit të një grope për ndërtimin e një ndërtese me një makinë pune – ekskavator, të angazhuar nga kompania investitore, kishte ndodhur rrëshqitje dheu, me ç’rast ekskavatori ishte mbuluar nga dheu, por personi që e drejtonte kishte dalë me kohë. Nga rrëshqitja e dheut janë dëmtuar pjesë të trotuarit në rrugën “Mitropolit Teodosij Golloganov” dhe rruga “Hristo Smirnenski”, ndërsa ka rënë edhe një shtyllë që ka dëmtuar një automjet “Daçia Sandero”, pronë e E.M.. Janë njoftuar prokurori publik, Qendra për Menaxhimin e Krizave, EVN, komuna e Qendrës dhe Inspektorati Shtetëror i Punës. Nëpunësit policorë të SPB Shkup kanë zhvilluar bisedë zyrtare me V.K. dhe A.H., personin juridik – investitorin e objektit, si dhe me A.M., i cili drejtonte ekskavatorin, ndërsa po ndërmerren masa dhe veprime të mëtejme për zbardhjen e plotë të rastit.
Më 25.05.2026 në ora 11:30 në SPB Shkup, J.J. (79) nga Shkupi denoncoi se rreth orës 07:30, në hyrje të një tregu në lagjen e Çairit, ishte sulmuar fizikisht nga një person. Po ndërmerren masa për zbardhjen e rastit.
Më 24.05.2026 rreth orës 16:20 në SPB Shkup u njoftua se në zonën e Bit Pazarit, pas një mosmarrëveshjeje paraprake, ishte prishur rendi dhe qetësia publike me një përleshje fizike ndërmjet M.L. (50) dhe M.K. (18), të dyja nga Shkupi. Pas dokumentimit të plotë të rastit do të pasojë kallëzim përkatës.
Më 25.05.2026 në orën 18:00 në SPB Shkup, S.R. (29) nga Shkupi njoftoi se rreth orës 02:35, në zonën e Gjorçe Petrovit, pas një keqkuptimi paraprak në komunikacion, ishte sulmuar fizikisht nga një person. Po ndërmerren masa për zbardhjen e rastit.
Më 25.05.2026 në orën 08:00 në Pikën Kufitare Bllatë, nëpunësit policorë nga Stacioni Policor për Kalim Kufitar dhe Mbikëqyrje Kufitare Bllatë, në hyrje të shtetit, e privuan nga liria S.H. (51) nga Republika e Shqipërisë, pasi gjatë kontrolleve kufitare ishte konstatuar se në evidencën operative figuron me masën “arresto” me kërkesë të Interpolit të Luksemburgut. Pas dokumentimit të plotë të rastit do të vijojë kallëzim përkatës.
Më 25.05.2026 në orën 14:30 në Pikën Kufitare Qafë Thanë, në hyrje të shtetit, nëpunësit policorë e privuan nga liria M.S. (67) nga Republika e Shqipërisë, pasi gjatë kontrolleve kufitare ishte konstatuar se kërkohej nga ZJÇK Strugë për shkak të ekzistimit të bazave të dyshimit për kryerjen veprës penale “vjedhje”. Pas dokumentimit të plotë të rastit do të vijojë kallëzim përkatës.
Më 25.05.2026 në orën 20:00 në SPB Shkup, T.P. (47) nga Shkupi denoncoi se rreth orës 03:20, në zonën e Karposhit, derisa po lëvizte me të dashurën e tij, dy persona i kishin kërkuar para, ndërsa pasi ai nuk u kishte dhënë, e kishin sulmuar fizikisht. Po ndërmerren masa për zbardhjen e rastit.
Më 25.05.2026 rreth orës 14:00 në SPB Shkup, B.S. (71) nga Shkupi denoncoi se nipit të tij 12-vjeçar, derisa po ecte në një rrugë në zonën e Draçevës, i është afruar një motoçikletë e drejtuar nga një person, në të cilën bashkudhëtar ishte A.H. (18) nga Shkupi, të cilin e njihte. Më pas, A.H. e ka kapur fëmijën për dore, ndërsa drejtuesi i motoçikletës ka vazhduar të lëvizë, pas çka fëmija ka rënë dhe qe tërhequr zvarrë nëpër rrugë. Po ndërmerren masa për zbardhjen e rastit.