SPB Kumanovë ngriti kallëzim penal kundër R.M. (30) nga Kumanova, mbi dyshime të bazuara për kryerjen e veprës penale „prodhimi i paautorizuar dhe lëshimi në qarkullim i drogave narkotike, substancave psikotrope dhe prekursorëve“. Më 18.03.2026, nëpunës policorë ushtruan kontroll ndaj një automjeti të udhëtarëve, të cilin e drejtonte i kallëzuari, me ç’rast iu gjetën dhe iu sekuestruan amfetaminë dhe marihuanë.
Zyra e Jashtme për Çështje Kriminalistike Kriva Pallankë ngriti kallëzim penal kundër A.XH. (22) nga Kriva Pallanka, mbi dyshime të bazuara për kryerjen e veprës penale „rrezikim i sigurisë“. Më 15.07.2026, në Kriva Pallankë, i kallëzuari tentoi të sulmonte fizikisht një person të punësuar në Qendrën për Punë Sociale -Kriva Pallankë.
Më 05.08.2026, në rajonin e Karposhit në Shkup, nëpunës policorë të SPB Shkup privuan nga liria M.J.G. (25) dhe V.G. (35), të dy nga Velesi, për shkak se u ishte gjetur dhe sekuestruar marihuanë. Pas dokumentimit të plotë të rastit, do të vijojë parashtresë përkatëse.
Më 06.08.2026, në orën 01:30, në rrugën „107“ në Tetovë, nëpunës policorë të SPB Tetovë e privuan nga liria S.J. (20) nga Tetova, pasi gjatë kontrollit tek ai ishte gjetur dhe sekuestruar marihuanë. Pas dokumentimit të rastit, ndaj tij do të vijojë parashtresë përkatëse.
Më 05.08.2026, në orën 13:30, SPB Shkup është njoftuar se në rr. „Hristijan Todorovski Karposh“ në Shkup kishte ndodhur aksident rrugor ndërmjet një automjeti të udhëtarëve „Citroën“ me targa të Shkupit, i drejtuar nga A.B.M. (29) dhe një motoçiklete „Honda“, të drejtuar nga E.A. (24), të dy nga Shkupi. Në aksident, lëndime të rënda trupore pësuan motoçiklisti dhe bashkëudhëtari i tij R.I. (23) nga Shkupi, ndërsa lëndime trupore pësuan A.B.M. dhe bashkëudhëtarja e saj e mitur nga Shkupi, të konstatuara në Qendrën e Urgjencës pranë kompleksit të klinikave „Nënë Tereza“ në Shkup dhe në ISHP Spitali i Përgjithshëm i Qytetit „Sh. Naum Ohridski“ në Shkup. Një ekip i SPB Shkup ka bërë këqyrje të vendit të ngjarjes.
Më 05.08.2026, në orën 08:25, nëpunës policorë të SPB Tetovë e privuan nga liria V.M. (32) nga Tetova, duke vepruar sipas kallëzimit të mëparshëm se gjatë javës së kaluar në shtëpinë familjare i kishte kanosur prindërit me një send të mprehtë, ndërsa më 03.08.2026, pasi nuk i ishin dhënë të holla, kishte thyer një pjesë të orendive shtëpiake dhe kishte tentuar ta sulmonte me një send të mprehtë babanë e tij 61-vjeçar. Pas dokumentimit të rastit do të vijojë parashtresa përkatëse.
Më 05.08.2026, në orën 21:20, SPB Shkup është njoftuar se në kryqëzimin e rr. „Boris Sarafov“ dhe rr. „Krësto Rakovski“ në Shkup, një automjet i udhëtarëve „Fiat“ ka goditur A.S.K. (48) nga Shkupi dhe është larguar nga vendi i ngjarjes. Në aksident, A.S.K. pësoi lëndime të rënda trupore, të konstatuara në ISHP Spitali i Përgjithshëm i Qytetit „Shën Naum Ohri“ në Shkup. Një ekip i SPB Shkup ka bërë këqyrje të vendit të ngjarjes dhe po ndërmerren masa për gjetjen e shoferit dhe zbardhjen e plotë të rastit.
Më 05.08.2026, në orën 22:00, nëpunës policorë nga SPB Tetovë e privuan nga liria A.A. (35) nga rrethina e Tetovës. Më parë, ish-bashkëshortja e tij 31-vjeçare kishte denoncuar se, edhe përkundër aktvendimit të Gjykatës Themelore të Tetovës me të cilin ishte shqiptuar masë e përkohshme për mbrojtje nga dhuna në familje dhe ndalim shqetësimi, ai në disa raste i kishte bërë kërcënime përmes telefonit, ndërsa më 04.08. dhe 05.08.2026 e kishte shqetësuar në vendin e saj të punës. Ai u ndalua në stacion policor për procedurë të mëtejshme dhe ndaj tij do të vijojë parashtresë përkatëse.
Në SPB Shkup, nga Institucioni Ndëshkues-Përmirësues Burgu i Shkupit u njoftua se në një hapësirë të jashtme të institucionit është gjetur dhe sekuestruar marihuanë. Po ndërmerren masa për zbardhjen e rastit.
Më 05.08.2026, në SPB Tetovë, një grua 42-vjeçare nga Tetova denoncoi se rreth orës 15:20 në Tetovë ishte sulmuar fizikisht nga nusja e djalit të saj, K.M. (43). Po ndërmerren masa për zbardhjen e rastit.
Më 05.08.2026, në orën 17:20, në NJPB Berovë u denoncua se në rrugën lokale Berovë–Abllanicë kishte ndodhur aksident rrugor ndërmjet një motoçiklete „Hamaçi“ pa targa regjistrimi, të drejtuar nga një 16-vjeçar nga Berova dhe një automjeti të udhëtarëve „BMV“ me targa kombëtare britanike, të drejtuar nga I.S. (47) nga Shkupi. Në aksident, motoçiklisti pësoi lëndime të rënda trupore, të cilat janë konstatuar në Spitalin e Përgjithshëm të Koçanit. Për ngjarjen u njoftua prokurori publik nga Prokuroria Themelore Publike e Koçanit. Një ekip i NJPB Berovë ka bërë këqyrje të vendit të ngjarjes.
Më 05.08.2026, në orën 23:20, në fsh. Slivnik, komuna e Çashkës, nëpunës policorë të SPB Veles e privuan nga liria B.I. (45) nga fsh. Jabollçishtë e Sipërme, komuna e Çashkës. Nëpunësit policorë ndaluan një automjet të udhëtarëve „Ford“, të drejtuar nga B.I. dhe gjatë kontrollit në automjet u gjetën dhe u sekuestruan një lëndë pluhurore e bardhë dhe marihuanë. Ai u shoqërua në stacion policor, u njoftua prokurori publik dhe pas dokumentimit të ngjarjes ndaj tij do të paraqitet kallëzim përkatës.
Më 05.08.2026, në orën 08:57, SPB Manastir është njoftuar se në rr. Prilep–Manastir kishte ndodhur një aksident rrugor ndërmjet një automjeti të udhëtarëve „Citroën“ me targa kombëtare serbe, të drejtuar nga V.K. (35) nga Serbia, një automjeti të udhëtarëve „Seat“ me targa të Probishtipit, të drejtuar nga S.M. (41) nga Probishtipi, një automjeti transportues „Fiat“ me targa të Strumicës, të drejtuar nga M.T. (57) nga Ohri dhe një automjeti të udhëtarëve „Fiat“ me targa të Shkupit, të drejtuar nga V.P. (32) nga Manastiri. Në aksident, drejtuesit V.K., S.M. dhe M.T., si dhe M.M. (34), S.Ž. (36) dhe M.Z. (35), të gjithë nga Serbia, bashkudhëtarë në automjetin „Citroën“, pësuan lëndime të rënda trupore, të konstatuara në Spitalin Klinik të Manastirit. Ndërsa drejtuesi V.P. dhe D.A. (35) nga Probishtipi, bashkudhëtar në automjetin „Seat“, pësuan lëndime trupore, të konstatuara gjithashtu në Spitalin Klinik të Manastirit. Një ekip i SPB Manastir ka bërë këqyrje të vendit të ngjarjes.
Më 05.08.2026, në orën 10:30, nëpunës policorë të SPB Kumanovë e privuan nga liria I.S. (40) nga fsh. Orashac, rrethina e Kumanovës. Ai u kap në fshatin Orashac duke prerë dhe ngarkuar dru, për të cilët nuk posedonte dokumentacionin përkatës. Pas dokumentimit të plotë të rastit, ndaj tij do të paraqitet kallëzimi përkatës.
Më 06.08.2026, në orën 06:10, nëpunës policorë të NJPB Negotinë privuan nga liria A.A. (40) nga Negotina, duke vepruar sipas denoncimit të mëparshëm se i kishte kërcënuar prindërit e tij. Pas masave të ndërmarra dhe kontrolleve të kryera u konstatua se A.A. ishte nën ndikimin e alkoolit, përkatësisht iu matën 1,17 promilë alkool në gjak. Ai u ndalua në stacion policor, u njoftua prokurori publik dhe pas dokumentimit të ngjarjes ndaj tij do të paraqitet kallëzim përkatës.
Më 05.08.2026, në orën 14:30, në rrugën lokale për në fsh. Belicë e Sipërme, rrethina e Strugës, nëpunës policorë të Stacionit Policor për Mbikëqyrje Kufitare Frangovë e privuan nga liria K.H. (34) nga Republika e Shqipërisë. Ai u kap duke kryer detyra pune pa leje pune për personin A.I. nga fsh. Radolishtë. Personi iu dorëzua nëpunësve policorë të Njësisë për Krim Ndërkufitar, Migrim, të Huaj dhe Riatdhesim në Strugë për procedurë të mëtejshme.
Më 05.08.2026, në orën 18:40, në Strumicë, nëpunës policorë të SPB Strumicë privuan nga liria N.A. (58) nga Strumica, duke vepruar sipas denoncimit të mëparshëm se më 05.08.2026, rreth orës 18:10, në oborrin e saj kishte sulmuar fizikisht ish-bashkëshorten 37-vjeçare të djalit të saj. Ajo u ndalua në Stacionin Policor Strumicë, ndërsa për ngjarjen u njoftua prokurori publik t Prokurorisë Themelore Publike Strumicë. Pas dokumentimit të rastit do të parashtrohet parashtresë përkatëse.
Më 05.08.2026, në orën 13:00, në Pikën Policore Novacë, M.A. (46) nga Kavadari denoncoi se në shtëpinë e babait të saj në një fshat të komunës së Novacës, nipi i saj N.P. e kishte sulmuar fizikisht. Po ndërmerren masa për zbardhjen e ngjarjes.
Më 05.08.2026, në orën 14:30, në fsh. Radozhdë të Strugës, u privua nga liria A.S. (56) nga Gjermania, për shkak të dyshimit se ka kryer veprën penale „hyrje e paautorizuar në objekte ushtarake dhe përpilim i skicave ose vizatimeve të objekteve ushtarake dhe mjeteve luftarake“, sipas nenit 350 të Kodit Penal. Ai u kap duke incizuar me dron postën kufitare në fshatin Radozhdë, pronë e ARMV-së, vend që ndodhet në zonë të ndaluar për incizim. Po ndërmerren masa për zbardhjen e plotë të ngjarjes, pas çka do të parashtrohet kallëzim përkatës.
Më 05.08.2026, në orën 15:50, në Ohër, nëpunës policorë të SPB Ohër e privuan nga liria R.S. (26) nga Shkupi. Ai, gjatë kohës që shfrytëzonte daljen me leje nga Institucioni Ndëshkues-Përmirësues Burgu i Idrizovës, ku po vuante dënim me burg prej pesë vitesh, në Ohër ishte takuar me ish-të dashurën e tij, pas çka e kishte sulmuar fizikisht. Pas dokumentimit të plotë të ngjarjes, ndaj tij do të parashtrohet kallëzimi përkatës.
Më 05.08.2026, në orën 17:20, në NJPB Kërçovë u denoncua se në rrugën rajonale Kërçovë–Makedonski Brod, te vendi i quajtur ,,Beli Mostoj’’, kishte ndodhur një aksident rrugor ndërmjet një automjeti të udhëtarëve „Honda“ me targa të Makedonski Brodit, të drejtuar nga E.S. (63) nga fsh. Lisiçan, një automjeti „Folksvagen“ me targa kombëtare austriake, të drejtuar nga B.Z. (31) nga fsh. Pllasnicë dhe një automjeti të udhëtarëve „Golf“ me targa të Makedonski Brodit, të drejtuar nga A.Sh. (25) nga fsh. Pllasnicë. Në aksident, drejtuesi A.Sh. ka pësuar lëndime të rënda trupore, ndërsa një 17-vjeçar, bashkudhëtar në të njëjtin automjet, dhe drejtuesi E.S. kanë pësuar lëndime trupore, të konstatuara në Spitalin e Përgjithshëm të Kërçovës. Ekipet policore kanë bërë këqyrje të vendit të ngjarjes.
Më 06.08.2026, në orën 01:15, në SPB Shkup, V.K. (33) nga Shkupi denoncoi se më 05.08.2026, rreth orës 16:55, para objektit tregtar ku punonte, në rajonin e Karposhit, ishte sulmuar fizikisht nga M.Z. dhe disa persona të tjerë, me ç’rast ishte përdorur edhe një send i fortë. Po ndërmerren masa për zbardhjen e rastit.
Më 05.08.2026, në orën 11:30, në Shkup, në rajonin e komunës së Aerodromit, nëpunës policorë të SPB Shkup e shoqëruan D.Z. (49) nga fsh. Jurumler, rrethina e Shkupit, për shkak se ishte sjellë në mënyrë agresive ndaj nëpunësve policorë të cilët po kryenin detyra zyrtare. Pas dokumentimit të plotë të rastit do të vijojë parashtresë përkatëse.
Më 06.08.2026, në orën 09:05, në Stacionin Policor Kisella Vodë, nëpunës policorë të SPB Shkup privuan nga liria S.Q. (29) nga Shkupi, duke vepruar sipas denoncimit të mëparshëm se më 03.08.2026, rreth orës 18:00, në rrethinën e Shuto Orizarës, kishte sulmuar fizikisht partneren e tij 32-vjeçare. Pas dokumentimit të plotë të rastit do të pasojë parashtresë përkatëse.
Më 05.08.2026, në orën 17:00, në SPB Shkup, një grua 46-vjeçare denoncoi se bashkëshorti i saj L.S., me të cilin ishte në procedurë shkurorëzimi, e kishte ndjekur dhe i kishte dërguar fotografi përmes një aplikacioni mobil nga lokacionet e djalit të saj, ndërsa përmes një personi që e njihte djalin e saj, i kishte bërë kërcënime. Po ndërmerren masa për zbardhjen e rastit.
Më 05.08.2026, rreth orës 20:00, në SPB Shkup, E.J. (25) nga fsh. Krushopek, rrethina e Shkupit, denoncoi se në rrugën për në fsh. Krushopek ishin ndalur dy automjete dhe nga njëri automjet kishin dalë dy persona, prej të cilëve njëri mbante në dorë një send të mprehtë, ndërsa nga automjeti tjetër kishte dalë A.S.V. nga fsh. Saraj, rrethina e Shkupit, me të cilin më parë kishin pasur mosmarrëveshje dhe e kishte rimbushur pistoletën në drejtim të denoncuesit, e më pas e kishte sulmuar me kondak. Po ndërmerren masa për zbardhjen e rastit.