SPB Kërçovë ka paraqitur kallëzim penal kundër A.Z. (26) nga Kërçova, mbi dyshime të bazuara për kryerjen e veprave penale „Prodhimi i paautorizuar dhe lëshimi në qarkullim i drogave narkotike, substancave psikotrope dhe prekursorëve“, sipas nenit 215, dhe „Përpunimi, mbajtja, ndërmjetësimi dhe tregtimi i paautorizuar i armëve dhe lëndëve shpërthyese“, sipas nenit 396 të Kodit Penal. Më 31.10.2026, në orën 01:35, në bul. „Çlirimi“ në Kërçovë, personi është privuar nga liria për shkak se është sjellë në mënyrë agresive ndaj nëpunësve policorë, të cilët po ndërmerrnin veprime zyrtare, me ç’rast tek ai është gjetur dhe sekuestruar një pistoletë e kalibrit të vogël me kalibër 22 mm, si dhe 31 fishekë, të cilat i posedonte në mënyrë të paligjshme. Më vonë, gjatë bastisjes në shtëpinë e tij, të realizuar me urdhër gjykate, janë gjetur dhe sekuestruar një paketim me kokainë dhe disa paketimе të tjera me mbetje kokaine.
Më 02.11.2026, në zonën e Karposhit në Shkup, nëpunës policorë të SPB Shkup e kanë privuar nga liria S.A. (20) nga fsh. Novo Sellë, Komuna e Zelenikovës, pasi tek ai është gjetur dhe sekuestruar një substancë kokërrzore e bardhë. Pas dokumentimit të plotë të rastit, do të vijojë parashtresë përkatëse.
Zyra e Jashtme e Çështjeve Kriminalistike Gostivar ka paraqitur kallëzim penal kundër Sh.A. (22) nga Shkupi, mbi dyshime të bazuara për kryerjen e veprës penale „Lëndim trupor“. Më 18.07.2026, në shtëpinë familjare në një fshat të Komunës së Mavrovës dhe Rostushës, pas një mosmarrëveshjeje paraprake, i kallëzuari e ka sulmuar fizikisht partneren e tij jashtëmartesore.
Më 02.11.2026, në orën 11:50, nëpunësit policorë të Njësisë Policore Çegran e kanë privuar nga liria Z.S. (68) nga fsh. Çegran. Ai kërkohej me urdhër gjykate për vuajtjen e dënimit me burg për kryerje të veprës sipas nenit 284-a të Kodit Penal. Personi është dërguar në Institucionin Ndëshkues-Përmirësues, Burgu i Tetovës, për vuajtjen e dënimit.
SPB Ohër ka paraqitur kallëzim penal kundër P.B. (26) dhe M.B. (32), të dy nga Ohri, mbi dyshime të bazuara për kryerjen e veprës penale „Prodhimi i paautorizuar dhe lëshimi në qarkullim i drogave narkotike, substancave psikotrope dhe prekursorëve“, sipas nenit 215 të Kodit Penal. Gjatë bastisjes në shtëpinë e tyre, si dhe në oborrin e një shtëpie fqinje, të realizuar me urdhër gjykate, nëpunësit policorë kanë gjetur dhe sekuestruar marihuanë. Pas dokumentimit të plotë të ngjarjes, kundër tyre do të paraqitet kallëzim përkatës.
Më 02.11.2026, rreth orës 10:30, nëpunës policorë të SPB Kumanovë e kanë privuar nga liria M.Z. (50) nga fsh. Pçinjë, rrethina e Kumanovës. Ai është vërejtur para një banke në rr. „Ivo Lola Ribar“ në Kumanovë, gjatë kryerjes së veprës penale „Përvetësim“, përkatësisht, qytetarëve të dëmtuar u ofronte ndihmë për të tërhequr para nga bankomati, por duke shfrytëzuar pakujdesinë e tyre, merrte një pjesë të parave. Pas dokumentimit të plotë të rastit, kundër tij do të vijojë kallëzim përkatës.
SPB Kumanovë ka paraqitur kallëzim penal kundër B.J. (38) dhe L.I. (22), të dy nga Shkupi, mbi dyshime të bazuara për kryerjen e veprës penale „Dhunë“. Më 05.06.2026, në një pompë benzine në autostradën Kumanovë-Shkup, të kallëzuarit e kanë sulmuar fizikisht A.F. nga Kumanova dhe i kanë shkaktuar lëndime.
Më 02.11.2026, në orën 19:55, në Sveti Nikollë, nëpunësit policorë të NJPB Sveti Nikollë e kanë privuar nga liria A.K. (49) nga Sveti Nikolla, duke vepruar pas denoncimit paraprak se, pas një mosmarrëveshjeje të shkurtër në shtëpinë familjare, ai e kishte kanosur vajzën e tij 21-vjeçare. Për ngjarjen është njoftuar prokurori publik dhe pas dokumentimit të plotë të rastit do të vijojë kallëzimi përkatës.
SPB Ohër ka paraqitur kallëzim penal kundër T.T. (55) nga fsh. Leskoec, rrethina e Ohrit, mbi dyshime të bazuara për kryerjen e veprës penale „Pengimi i personit zyrtar gjatë kryerjes së veprimeve zyrtare“. Më 03.08.2026, në stacionin e autobusëve në Ohër, e kallëzuara ka penguar nëpunësit policorë gjatë kryerjes së veprimeve zyrtare.
Më 02.11.2026, në orën 18:00, në SPB Tetovë, një grua 34-vjeçare nga Tetova ka denoncuar se ish-partneri i saj 30-vjeçar nga Shkupi e kishte ndjekur dhe i kishte bërë kërcënime, duke mos respektuar në këtë mënyrë aktvendimin për masa mbrojtëse të shqiptuar nga Gjykata Themelore e Tetovës. Pas dokumentimit të plotë të rastit, do të vijojë kallëzim përkatës.
Më 02.11.2026, në orën 13:40, nëpunës policorë të NJPB Negotinë e kanë privuar nga liria N.N. (23) nga fsh. Krivollak, rrethina e Negotinës. Ai kërkohej me urdhër të Gjykatës Themelore të Negotinës për vuajtjen e dënimit me burg për veprën penale „Vjedhje“, sipas nenit 235 të Kodit Penal. Ai është dërguar në Institucionin Ndëshkues-Përmirësues, Burgu i Gjevgjelisë, për vuajtjen e dënimit.
Gjatë 24 orëve të fundit, në lokacione të ndryshme në shtet, nëpunësit policorë kanë privuar nga liria pesë shoferë për shkak të kryerjes së veprës penale „Drejtim i pakujdesshëm i automjetit“, sipas nenit 297-a të Kodit Penal. Prej tyre, tre drejtonin automjet pa e dhënë provimin e vozitjes, përkatësisht: N.I. (41) nga fsh. Saraj, rrethina e Shkupit, një 16-vjeçar nga fsh. Tanushëvc, rrethina e Shkupit dhe I.G. (29) nga fsh. Bogorodicë, rrethina e Gjevgjelisë. Me ndalim për drejtimin e automjetit drejtonte V.N. (22) nga fsh. Gërçec, rrethina e Shkupit, ndërsa nën ndikimin e alkoolit drejtonte E.M. (45) nga fsh. Debresh, rrethina e Gostivarit. Pas dokumentimit të plotë të rasteve, do të paraqiten kallëzime penale përkatëse.
Zyra e Jashtme e Çështjeve Kriminalistike Kërçovë ka paraqitur kallëzim penal kundër D.D. (48) nga Kërçova, mbi dyshime të bazuara për kryerjen e veprës penale „Prodhimi i paautorizuar dhe lëshimi në qarkullim i drogave narkotike, substancave psikotrope dhe prekursorëve“. Më 03.03.2026, në rrugën magjistrale A2, nëpunësit policorë kanë ndaluar një automjet të udhëtarëve „Volkswagen Golf“, në të cilin i kallëzuari ishte bashkudhëtar dhe nga dritarja kishte hedhur marihuanë, e cila është gjetur dhe sekuestruar.
Më 02.11.2026, në orën 11:00, në Negotinë, nëpunës policorë të NJPB Negotinë e kanë privuar nga liria S.D. (30) nga Negotina. Ai dyshohet se nga automjetet në Negotinë, në pronësi të një 36-vjeçari nga Negotina, me përdorimin e forcës ka marrë sende të ndryshme. Një pjesë e sendeve të marra është gjetur dhe i është dorëzuar Prokurorisë Themelore Publike Kavadar për procedurë të mëtejshme. Me urdhër të Gjykatës Themelore të Negotinës, S.D., ndaj të cilit është caktuar masa e paraburgimit në kohëzgjatje prej tetë ditësh, është dërguar në Institucionin Ndëshkues-Përmirësues, Burgu i Gjevgjelisë, për vuajtjen e masës.
Sot (03.11.2026), në orën 01:45, NJPB Strugë është njoftuar se në rrugën rajonale në fsh. Veleshtë, rrezhina e Strugës, një automjet i udhëtarëve „Fiat“, me targa të Strugës, i drejtuar nga V.Gj. (21) nga fsh. Veleshtë, është përplasur në një shtyllë dhe ka dalë nga rruga. Në aksident, shoferi V.Gj. ka pësuar lëndime të rënda trupore, të cilat janë konstatuar në Spitalin Special „Shën Erazmo“ në Ohër. Prokurori publik i Prokurorisë Themelore Publike Strugë dhe një ekip i NJPB Strugë kanë bërë këqyrje të vendit të ngjarjes.
Zyra e Jashtme e Çështjeve Kriminalistike Resnjë ka paraqitur kallëzim penal kundër M.T. (51) nga fsh. Pretor, mbi dyshime të bazuara për kryerjen e veprës penale „Përpunimi, mbajtja dhe tregtimi i palejuar i armëve dhe lëndëve shpërthyese“. Më 24.03.2026, nëpunësit policorë kanë realizuar bastisje në shtëpinë e të kallëzuarit, me ç’rast janë gjetur dhe sekuestruar dy pushkë të kalibrit 12, një pushkë e kalibrit 7,99 mm, një pistoletë e kalibrit 6 mm dhe 417 copë municion, të cilat i posedonte pa leje.
Më 02.11.2026, në orën 18:30, në Prilep, nëpunës policorë të NJPB Prilep e kanë privuar nga liria M.Gj. (36) nga Prilepi, duke vepruar pas denoncimit paraprak se e kishte sulmuar fizikisht ish-partneren e tij nga Prilepi. Pas dokumentimit të ngjarjes, do të vijojë parashtresë përkatëse.
Më 02.11.2026, në orën 16:00, në NJPB Kavadar, një 42-vjeçare nga Kavadari ka denoncuar se në shtëpinë e saj, djali i saj i mitur e kishte sulmuar fizikisht dhe e kishte kërcënuar. Po ndërmerren masa për zbardhjen e rastit.
SPB Kumanovë ka paraqitur kallëzim penal kundër S.M. (47) nga Kumanova, mbi dyshime të bazuara për kryerjen e veprës penale „Shkaktim i rrezikut të përgjithshëm“. Më 13.10.2026, në Kumanovë, i kallëzuari i ka vënë zjarrin një automjeti të parkuar të udhëtarëve „Audi“, në pronësi të L.A. nga fsh. Çerkez, rrethina e Kumanovës.
Më 02.11.2026, në orën 21:40, në SPB Manastir, një 36-vjeçare nga Manastiri ka denoncuar se në shtëpinë familjare në Manastir ishte sulmuar fizikisht nga bashkëshorti i saj. Po ndërmerren masa për zbardhjen e rastit.
Zyra e Jashtme e Çështjeve Kriminalistike Gostivar ka paraqitur kallëzim penal kundër B.H. (37) nga fsh. Reçan, rrethina e Gostivarit, mbi dyshime të bazuara për kryerjen e veprës penale „Shkatërrim i pyjeve“. Më 04.09.2026, në territorin e fsh. Novo Sellë, në vendin e quajtur „Bunec“, i kallëzuari në mënyrë të paautorizuar ka bërë prerjen e drurit të ahut, me ç’rast i ka shkaktuar dëm buxhetit të shtetit në vlerë prej 76.519 denarësh.
Më 03.11.2026, rreth orës 01:00, SPB Shkup është njoftuar se më 02.11.2026, rreth orës 18:00, në një objekt hotelerik në zonën e Karposhit, N.N. (53) nga Shkupi ishte sulmuar fizikisht me sende të forta nga Z.V., me ç’rast kishte pësuar lëndime. Po ndërmerren masa për zbardhjen e rastit.
Më 02.11.2026, rreth orës 14:50, në SPB Shkup, F.K. (34) nga Shkupi ka denoncuar se para një objekti hotelerik në zonën e Bit Pazarit, djali i saj i mitur ishte sulmuar fizikisht nga një person. Po ndërmerren masa për zbardhjen e rastit.
Më 02.11.2026, në orën 20:00, në Shkup, në zonën e Bit Pazarit, nëpunës policorë të SPB Shkup e kanë privuar nga liria S.U. (37) nga Shkupi, duke vepruar pas denoncimit paraprak se në shtëpinë e tij, me një send të mprehtë, i kishte bërë kërcënime nënës së tij 60-vjeçare. Pas dokumentimit të plotë të rastit, do të vijojë parashtresë përkatëse.
Më 03.11.2026, në orën 01:40, në Shkup, në zonën e Karposhit, nëpunës policorë të SPB Shkup e kanë privuar nga liria S.P. (44) nga Shkupi, duke vepruar pas denoncimit paraprak të bashkëshortes së tij 41-vjeçare, me të cilën ishin në procedurë shkurorëzimi, se më 02.11.2026 ai kishte telefonuar vajzën e tyre të mitur dhe i kishte bërë kërcënime, ndërsa më pas kishte ardhur dhe kishte trokitur në derën hyrëse të shtëpisë. Pas dokumentimit të plotë të rastit, do të vijojë parashtresë përkatëse.
Më 02.11.2026, rreth orës 21:50, në SPB Shkup, D.B. (21) nga Kavadari ka denoncuar se në autostradën Shkup-Veles, pranë kryqëzimit Hipodrom, një automjet tjetër ia kishte bllokuar rrugën, pas çka nga automjeti kishin dalë dy persona dhe njëri prej tyre e kishte sulmuar fizikisht dhe i kishte bërë kërcënime. Po ndërmerren masa për zbardhjen e rastit.
Më 03.11.2026, në orën 04:00, në SPB Shkup, një 38-vjeçar ka denoncuar se më 02.11.2026, rreth orës 20:00, në shtëpinë e tyre në rrethinën e Shkupit, vajza e tij e mitur ishte sulmuar fizikisht nga partneri i saj jashtëmartesor A.J. (20) dhe nëna e tij B.J. (42). Po ndërmerren masa për zbardhjen e rastit.
Më 02.11.2026, në orën 10:40, në SPB Shkup, D.T. (48) nga Shkupi ka denoncuar se rreth orës 07:00, në rajonin e Kisella Vodës, ishte sulmuar fizikisht nga dy persona të cilët i njihte. Po ndërmerren masa për zbardhjen e rastit.
Më 02.11.2026, rreth orës 11:45, SPB Shkup është njoftuar nga Institucioni Shëndetësor Publik „Shën Naum Ohridski“ se tek ata ishte sjellë me lëndime I.C. (62) nga Shkupi. Sipas denoncimit, ai i kishte pësuar lëndimet gjatë kryerjes së detyrave të punës në një kompani në rajonin e Kisella Vodës. Është njoftuar inspektori i punës.
Më 02.11.2026, në orën 20:40, në SPB Shkup, një 29-vjeçare ka denoncuar se në një institucion shëndetësor privat në zonën e Karposhit, D.N. e kishte prekur në trup dhe e kishte shqetësuar. Po ndërmerren masa për zbardhjen e plotë të rastit.
Më 02.11.2026, në orën 13:30, në Stacionin Policor Gjorçe Petrov, nëpunësit policorë të SPB Shkup, në prani të prindit, kanë zhvilluar bisedë zyrtare me një 17-vjeçar nga Shkupi, duke vepruar pas denoncimit paraprak se në oborrin e një shkolle të mesme në rajonin e Gjorçe Petrovit kishte sulmuar fizikisht O.A. (18) nga Shkupi, ndërsa më pas, së bashku me shokët e tij, i kishin bërë edhe kërcënime. Pas dokumentimit të plotë të rastit, do të vijojë parashtresë përkatëse.
Më 02.11.2026, rreth orës 09:40, SPB Shkup është njoftuar se në afërsi të një shkolle fillore në rajonin e Gjorçe Petrovit ishte prishur rendi dhe qetësia publike me përleshje fizike ndërmjet dy të miturve nga Shkupi. Po ndërmerren masa për zbardhjen e rastit.