Në periudhën nga 3 deri më 6 prill 2023, në organizim të Ambasadës së Republikës Franceze në Shkup, Zëvendësministri i Qendrës për Trajnime dhe Shefi i Departamentit për Hartimin e Programit Mësimor zhvilluan një vizitë studimore në Shkollën Kombëtare të Lartë të Policisë në Lion.
Delegacioni i Qendrës për Trajnime u prit nga drejtoresha e shkollës, ndërsa qëllimi i vizitës studimore në një nga institucionet më të mira arsimore për oficerë të lartë policie në Republikën Franceze ishte shkëmbimi i përvojave dhe shembujve pozitivë për trajnimet policore.
Gjatë vizitës tre-ditore, përfaqësuesit e Qendrës për Trajnime u njohën me mënyrat e rekrutimit të personelit dhe përzgjedhjen e trajnerëve, llojet e trajnimeve, programet e trajnimeve, si dhe mënyrat dhe metodat e zbatimit të tyre.
Përfundimet nga vizita studimore synojnë vazhdimin dhe intensifikimin e bashkëpunimit midis dy institucioneve, me qëllim shkëmbimin e përvojave, praktikave dhe ndarjen e programeve të trajnimeve të nevojshme për trajnimin bazë dhe atë të vazhdueshëm.
