Sot (29.09.2026), nëpunës policorë të SPB Veles dhe SPB Shtip, në zonat e Kavadarcit, Çashkës, Shtipit, Vinicës dhe Berovës, zhvilluan aktivitete parandaluese për një komunikacion më të sigurt. Drejtuesve të automjeteve iu bë me dije detyrimi dhe nevoja për respektimin e rregullave dhe dispozitave të komunikacionit, duke u theksuar se duhet të drejtojnë automjetet me kujdes, të përshtatin shpejtësinë e lëvizjes, të përdorin rripin e sigurimit, të mos drejtojnë automjetin nën ndikimin e alkoolit, të mos përdorin telefonin celular gjatë drejtimit të automjetit, si dhe një sërë këshillash të tjera të dobishme për rritjen e ndërgjegjësimit publik, shtimin e sigurisë në komunikacion dhe avancimin e kulturës së komunikacionit. Ndërkaq, në zonën qendrore të Tetovës, nëpunës policorë të Seksionit për Parandalim pranë SPB Tetovë realizuan një aktivitet parandalues të orientuar në sigurinë e këmbësorëve. Këmbësorëve iu rikujtuan detyrimet e tyre gjatë pjesëmarrjes në komunikacion, duke u theksuar se rruga duhet të kalohet detyrimisht në vendkalimet e shënuara për këmbësorë, si dhe se nuk duhet të përdorin telefonat celularë dhe kufjet gjatë kalimit të vendkalimit të këmbësorëve. Gjithashtu, atyre iu shpjeguan edhe rregulla të tjera që duhet t'i respektojnë për një pjesëmarrje të sigurt në komunikacion si këmbësorë.
Po ashtu, drejtuesve të automjeteve iu bë me dije se duhet t'i respektojnë plotësisht rregullat e komunikacionit, përkatësisht t'u japin përparësi këmbësorëve gjatë kalimit të rrugëve.
Në SH.F. “Kirili dhe Metodi” në Sveti Nikollë, SH.F. “Malina Popivanova” në Koçan dhe SH.F. “Vëllezërit Milladinovci” në Probishtip, nëpunës policorë të SPB Shtip u shpjeguan fëmijëve mënyrën e sigurt të lëvizjes në komunikacion, përkatësisht si të arrijnë në mënyrë të sigurt nga shkolla në shtëpi dhe anasjelltas.
Ndërkaq, nëpunës policorë të SPB Veles dhe të SPB Kumanovë, në Veles dhe Kumanovë, realizuan aktivitete parandaluese për parandalimin e delikteve pronësore. Me qytetarët u ndanë këshilla të dobishme se si të mbrohen nga format e ndryshme të vjedhjeve, si t'i mbrojnë shtëpitë e tyre dhe si të kujdesen për sendet e tyre personale. Në kuadër të aktiviteteve u shpërnda edhe material i shtypur edukativ. Në Probishtip, nëpunës policorë të SPB Probishtip zhvilluan një aktivitet parandalues me qëllim informimin e qytetarëve se si të mbrohen nga trafikimi i qenieve njerëzore. Ndërsa nëpunës policorë të SPB Manastir, në SH.F. “Stiv Naumov” në Manastir, realizuan aktivitete parandaluese për parandalimin e dhunës mes bashkëmoshatarëve dhe varësive.
