Dje (16.10.2026), në shkollën e mesme komunale të gjimnazit dhe mjekësisë në fshatin Negotinë, në rrethinën e Gostivarit, Sektori për Punë të Brendshme Tetovë filloi zbatimin e projektit parandalues “Parandalimi i keqpërdorimit të drogës, alkoolit dhe cigareve”, i cili u dedikohet nxënësve të vitit të parë në të gjitha shkollat e mesme në rajonin e Tetovës dhe Gostivarit.
Qëllimi kryesor i projektit është rritja e ndërgjegjësimit të të rinjve për pasojat e dëmshme të substancave psikoaktive, nxitja e zakoneve të shëndetshme të jetesës dhe zvogëlimi i rrezikut që të miturit të bien në kontakt me drogën, alkoolin dhe duhanin. Në kuadër të këtij projekti janë paraparë edhe takime pune me përgjegjësit për arsimin në të gjitha vetëqeverisjet lokale, ligjërata informuese për nxënësit e vitit të parë të shkollave të mesme, si dhe rritja e sigurisë së përgjithshme, me qëllim të uljes së kriminalitetit dhe të shkeljeve të rendit dhe qetësisë publike.
Më 16.10.2026, zyrtarët policorë të Njësisë Policore të Kavadarit mbajtën një ligjëratë edukative në Shkollën Fillore Komunale “Strashoo Pinxhur” në Kavadar, për nxënësit e klasave të teta dhe të nënta, me temë mbrojtjen nga dhuna mes bashkëmoshatarëve dhe dhuna kibernetike. Nxënësit u njohën me format e ndryshme të sjelljes së dhunshme, mënyrat e shfaqjes së këtyre dukurive devijuese, si dhe pasojat që mund të shkaktojnë.
Gjithashtu, atyre iu shpjeguan mënyrat dhe metodat për parandalimin në kohë dhe përballimin e këtij lloji të sjelljes devijuese mes të rinjve.
