Më 21.10.2026, në Veles, nëpunës policorë nga SPB Veles realizuan aktivitete parandaluese me temën “Nëse pi, mos vozit” dhe për mbrojtjen nga vjedhjet. Aktivitetet u zhvilluan me qëllim që t'u tregohet shoferëve për rrezikun që e marrin përsipër nëse ulen pas timonit nën ndikimin e alkoolit. Gjithashtu, qytetarëve iu dhanë këshilla se si të rrisin sigurinë personale dhe të kujdesen për sendet e tyre personale. Gjatë aktiviteteve u shpërnda edhe material i shtypur edukativ.
Sot, aktivitete parandaluese për rritjen e sigurisë në trafik u zhvilluan edhe në Prilep dhe Koçan. Në disa lokacione në qendër të Prilepit, këmbësorëve iu shpjeguan pasojat që mund të shkaktohen nga mosrespektimi i rregullave të komunikacionit, si dhe iu rikujtua se nuk duhet të përdorin telefonat celularë gjatë kalimit në vendkalimet e këmbësorëve.
Ndërkaq, shoferëve iu bë apel që të mos drejtojnë automjet nën ndikimin e alkoolit, pasi ai ul ndjeshëm aftësitë e drejtimit, dëmton aftësitë psikomotore dhe paraqet rrezik serioz për sigurinë e tyre dhe të pjesëmarrësve të tjerë në trafik. Në shkollën fillore “Rade Kratovçe” në Koçan u mbajt një ligjëratë edukative, me qëllim njohjen e nxënësve me rregullat dhe dispozitat themelore të komunikacionit, si dhe me rëndësinë e disa shenjave rrugore.
Po ashtu, sot në disa lokacione në Probishtip u realizua një fushatë edukative me moton “Të mbrohemi nga vjedhjet e xhepave”. Gjatë takimeve me qytetarët, atyre iu dhanë këshilla për vetëmbrojtje nga deliktet pronësore, ndërsa u theksua edhe rëndësia e bashkëpunimit me policinë dhe raportimit në kohë të rasteve, përmes numrit pa pagesë 112.
