Sot (09.09.2026), në Manastir, zyrtarët policorë të SPB Manastir realizuan aktivitetin parandalues „Edhe unë, edhe ti jemi këmbësorë“. Qytetarëve iu theksua rëndësia e respektimit të rregullave dhe dispozitave të komunikacionit, me qëllim të zvogëlimit të rreziqeve nga aksidentet në komunikacion. Ndërkaq, drejtuesve të automjeteve iu theksua nevoja për respektimin e rregullit për dhënien e përparësisë së kalimit këmbësorëve, ndërsa atyre iu shpërndanë edhe fletushka të përgatitura nga KRSKRR-ja.
Më 09.09.2026, në Tregun e Qytetit në Vinicë, zyrtarët policorë të Stacionit Policor Vinicë realizuan një fushatë edukative me moton „Të mbrohemi nga vjedhjet e xhepave“. Gjatë takimeve me qytetarët, atyre iu dhanë këshilla për vetëmbrojtje nga deliktet pronësore(vjedhja me grabitje, grabitja, vjedhja e pacipë, vjedhjet e xhepave dhe vepra të tjera penale), ndërsa iu theksua nevoja për bashkëpunim dhe komunikim në kohë me policinë, para së gjithash përmes raportimit të saktë dhe të shpejtë në numrin e telefonit 112. Me këtë rast, qytetarëve iu shpërndanë edhe fletushka me përmbajtje edukative.
Më 09.09.2026, Njësia për Parandalim pranë SPB Shkup realizoi aktivitet edukativo-parandalues me moton „Stop bullizmit“ në shkollat fillore në territorin e Stacionit Policor Bit Pazar. Qëllimi kryesor ishte ngritja e ndërgjegjësimit te prindërit dhe nxënësit. Bullizmi nuk është shaka, nuk është „punë fëmijësh“ dhe nuk duhet të heshtet për të. Çdo fëmijë ka të drejtë të ndihet i sigurt, i pranuar dhe i respektuar – në shkollë, në klasën e tij dhe mes bashkëmoshatarëve.
Ofendimet, talljet, poshtërimi, kërcënimet, dhuna fizike, përjashtimi i qëllimshëm nga shoqëria, si dhe mesazhet dhe publikimet fyese në rrjetet sociale mund të ndikojnë seriozisht në vetëbesimin dhe mirëqenien psikike të fëmijës, si dhe në sigurinë e tij. Prandaj, lufta kundër bullizmit është përgjegjësi e përbashkët e institucioneve përkatëse, prindërve dhe nxënësve.
Sot në Shkup, në territorin e Stacionit Policor Qendër, Njësia për Parandalim pranë SPB Shkup realizoi një fushatë edukativo-parandaluese me moton „Mos lini sende me vlerë në automjetin tuaj“.
Qëllimi kryesor ishte rritja e kulturës së sigurisë te qytetarët lidhur me deliktet pasurore, si dhe forcimi i besimit dhe bashkëpunimit ndërmjet policisë dhe qytetarëve. Gjatë aktivitetit, qytetarëve iu dhanë udhëzime për mënyrat e vetëmbrojtjes, përmes informimit se si të mos bëhen shënjestër e lehtë e autorëve të veprave penale. Me këtë rast, qytetarëve iu shpërnda edhe material edukativ me rekomandime, me qëllim të ngritjes së vetëdijes për sigurinë
