Sot (21.01.2026) nëpunës policorë nga SPB Shtip në disa lokacione në territorin e SPB Shtip kryen aktivitete parandaluese në fushën e trafikut dhe mbrojtjes nga deliktet pronësore.
Në Shtip dhe në Sveti Nikollë, nëpunës policorë nga SPB Shtip dhe NJPB Sveti Nikollë në kuadër të aktiviteteve parandaluese me moton "Përdorni pajisje dimërore", shoferëve përmes komunikimit të drejtpërdrejtë dhe shpërndarjes së fletushkave edukative ua theksuan nevojën e respektimit të rregullave dhe rregulloreve të trafikut me qëllim rritjen e sigurisë në trafik, veçanërisht në fushën e përdorimit të pajisjeve dimërore, një detyrim që vlen në periudhën nga 15 nëntori 2025 deri më 15 mars 2026. Shoferëve u shpjeguan sanksionet e parashikuara për mosrespektimin e ligjeve.
Gjithashtu, në Dellçevë dhe Berovë, me moton "Mos drejtoni automjetin nën ndikimin e alkoolit" dhe "Drejtoni automjetin të rregullt teknikisht", shoferëve iu shpjeguan pasojat e dëmshme që vijnë nga drejtimi i automjetit nën ndikimin e alkoolit, si dhe për nevojën e kontrolleve të rregullta të rregullësisë teknike të automjeteve.
Në Probishtip, nëpunës policorë nga NJPB Probishtip realizuan një aktivitet parandalues dhe edukues për mbrojtje nga vjedhjet dhe mashtrimet. Nëpunësit policorë, në komunikim të drejtpërdrejtë dhe duke shpërndarë materiale edukative, ndanë këshilla të dobishme me qytetarët se si të mbrohen nga krimet e këtilla.
