Aktivitete parandaluese të SPB Shtip për komunikacion të sigurt dhe mbrojtje nga deliktet pronësore

Nëpunësit policorë të NJPB Probishtip, nga SP për SKRR Dellçevë, si dhe nga SP Koçan, sot (19.05.) nën moton "Mos përdorni telefonin celular gjatë drejtimit të automjetit" dhe "Vendosni rripin e sigurisë" realizuan aktivitete edukative dhe parandaluese në disa lokacione në Probishtip, Dellçevë dhe Koçan, me qëllim rritjen e ndërgjegjësimit publik dhe kulturës së komunikacionit të pjesëmarrësve në komunikacion. Ndërkohë, shoferëve dhe pasagjerëve iu vu në dukje rëndësia e respektimit të rregullave dhe dispozitave të trafikut, si dhe u shpërndanë fletëpalosje edukative me përmbajtje informuese të hartuara në bashkëpunim me KRSKRR-në. Gjithashtu, sot, nëpunësit policorë të SP me KP Berovë në zonën qendrore të Berovës realizuan një aktivitet parandalues nën moton "Siguroje shtëpinë tënde", gjegjësisht një aktivitet në fushën e mbrojtjes nga deliktet pronësore. Aktiviteti parandalues u realizua përmes takimeve të drejtpërdrejta me qytetarët, dhe qëllimi kryesor i kësaj fushate kishte për qëllim uljen e numrit të deliketeve pronësore dhe komunikimi në kohë me shërbimet policore. Në kuadër të këtij aktiviteti, qytetarëve iu shpërndanë fletëpalosje edukative dhe informuese.