Aktivitete parandaluese të SPB Shtip, SPB Veles dhe SPB Shkup për trafik të sigurt dhe mbrojtje nga mashtrimet dhe vjedhjet

Sot (25.11.2025) në zonën e SPB Shtip u zbatuan disa aktivitete parandaluese në fushën e sigurisë në trafik. Nëpunësit policorë të Stacionit Policor të Sveti Nikollës në Shkollën Fillore Komunale "Kirili dhe Metodi" në Sveti Nikollë mbajtën një ligjëratë në të cilën nxënësit u njohën me rregullat dhe dispozitat themelore të trafikut, përkatësisht si të sillen kur janë pjesëmarrës në trafik, si këmbësorë, por veçanërisht kur ngasin biçikleta. Gjithashtu, në disa lokacione në dhe përreth Sveti Nikollës, ata zhvilluan aktivitete parandaluese me temën "Ngisni në mënyrë të sigurt - me automjet të rregullt teknikisht". Policët e Stacionit Policor të Probishtip dhe Stacionit Policor të Berovës në Probishtip dhe Berovë zhvilluan aktivitete parandaluese "Mos drejtoni automjet pasagjerësh nën ndikimin e alkoolit" dhe "Vini rripin e sigurimit", gjatë të cilave u shpërndanë edhe fletëpalosje me përmbajtje edukative për qytetarët. Policët nga Seksioni i Parandalimit në SPB Veles, në rrugën "Alekso Demnievski-Bauman" në Veles, realizuan trajnim në terren me fëmijët e kopshtit "Dimçe Mirçev" nga Velesi me temën "Mos harroni, të gjithë jemi këmbësorë". Fëmijët, si pjesëmarrësit më të vegjël në trafik, u njoftuan me rëndësinë dhe kuptimin e lëvizjes së tyre të sigurt, në rastet kur janë këmbësorë ose shoferë biçikletash ose trotinetësh. Gjithashtu sot, nëpunës policorë nga Seksioni i Parandalimit në SPB Shkup dhe Stacioni Policor Gjorçe Petrov në Shkup realizuan aktivitete parandaluese mbi temat "Mashtrimet telefonike", "Secili mund të jetë viktimë" dhe "Mos lini sende me vlerë në makinën tuaj", ku përveç komunikimit të drejtpërdrejtë me qytetarët rreth këtyre temave, u shpërndanë edhe materiale edukative.