Sot (11.02.2026) në Negotinë, nëpunës policorë nga Seksioni i Parandalimit në SPB Veles dhe SPB Negotinë zhvilluan një aktivitet parandalues për t'u mbrojtur nga mashtrimet telefonike, me qëllim që t'i informojnë qytetarët se si t'i njohin ato dhe të mos lejojnë të jenë viktima të këtij lloji mashtrimi. Gjatë ditës së djeshme, nëpunës policorë nga SPB Negotinë zhvilluan një aktivitet parandalues me temën "Vendosni rripin e sigurisë", duke treguar se përdorimi i rripit të sigurisë është detyrim ligjor si për shoferët ashtu edhe për pasagjerët në automjete, me qëllim rritjen e sigurisë së tyre personale. Qytetarëve iu potencua edhe nevoja për respektimin e vazhdueshëm të të gjitha rregullave dhe rregulloreve të trafikut, si dhe u shpërndanë materiale edukative.
Njësia e Parandalimit pranë SPB Shkup realizoi një punëtori edukative në Shkollën Fillore "Aleksandar Makedonski" me temën "Parandalimi i dhunës në mesin e bashkëmoshatarëve - bullizimi", në kuadër të së cilës nëpunësit policorë diskutuan me nxënësit për mënyrat e njohjes, raportimit dhe parandalimit të kësaj sjelljeje devijante. Në territorin e komunës së Butelit, u realizua një aktivitet parandalues për mbrojtje nga krimet pronësore, veçanërisht nga vjedhjet dhe mashtrimet.
Nëpunësit policorë nga SPB Shtip realizuan aktivitete parandaluese për trafik të sigurt në Shtip dhe në Berovë. Në Sveti Nikollë, u realizua një aktivitet parandalues për parandalimin e martesave mes të miturve, ndërsa në Probishtip për mbrojtje nga vjedhjet dhe mashtrimet.
