Sot (19.11.2025), nëpunës policorë nga NjPB Kavadar realizuan një aktivitet parandalues me moton “Kujdes, nga mashtrimet telefonike”. Qëllimi i këtij aktiviteti ishte informimi dhe edukimi i qytetarëve për rreziqet nga mashtrimet telefonike, mënyrat për t’i identifikuar ato dhe për të mos lejuar të bëhen viktima të këtij lloji mashtrimi. Qëllimi i përgjithshëm i këtyre aktiviteteve parandaluese është rritja e ndërgjegjësimit për mbrojtje nga këto vepra penale dhe inkurajimi i qytetarëve që çdo rast të dyshimtë ta raportojnë në polici. Gjatë aktivitetit u shpërnda material edukativ i shtypur.
Sot (19.11.2025), në Tregun e Qytetit në Probishtip, nëpunës policorë nga Stacioni Policor Probishtip realizuan një fushatë parandaluese për mbrojtje nga veprat penale kundër pronës — vjedhjes së xhepave dhe vjedhjet në banesa. Qytetarëve, veçanërisht personave të moshuar, përveç këshillave praktike për masat dhe procedurat që duhet të ndërmerren për mbrojtje më të madhe nga autorët e vjedhjeve të xhepave dhe vjedhjeve në banesa, iu shpërndanë edhe fletushka me përmbajtje edukative me motot “Mbrohu nga vjedhjet e xhepave” dhe “Siguroje shtëpinë tënde”.
Sot (19.11.2025), SPB Kumanovë realizoi aktivitet parandalues në stacionin e pagesës Romanovcë, në vendkalimin kufitar Tabanoc dhe përgjatë rrugës kryesore Kumanovë–Kriva Pallankë, me rastin e shënimit të 16 Nëntorit — Ditës së Përkujtimit të Viktimave të Aksidenteve Rrugore.
Sot (19.11.2025), në kuadër të aktiviteteve për shënimin e “Ditës Botërore të Viktimave të Aksidenteve Rrugore”, SPB Strumicë, përmes nëpunësve policorë të Njësisë së Parandalimit, realizoi një aktivitet edukativo-parandalues në Komunën e Bosillovës. Pjesëmarrësit morën pjesë në një marsh simbolik organizuar në nder të viktimave të aksidenteve rrugore. Qëllimi i aktivitetit ishte dërgimi i një mesazhi respekti dhe mbështetjeje për familjet që kanë humbur të dashurit e tyre në aksidente tragjike.
Në kuadër të aktiviteteve të vazhdueshme parandaluese të Njësisë së Parandalimit pranë SPB Shkup, sot (19.11.2025) u realizua një punëtori edukative në kopshtin komunal “11 Tetori”, objekti “Tashko Karaxha”, në territorin e komunës së Butelit.
Qëllimi kryesor i aktivitetit parandalues ishte që fëmijët e kopshtit të mësohen si të sillen në mënyrë të sigurt në trafik, si të njohin një nëpunës policor dhe se policia është aty për t’i ndihmuar dhe për t’i mbrojtur.
