Sot (07.10.2026) në orën 16:00, në autostradën Shkup – Sveti Nikollë, rreth 3 kilometra para NS Preod, nëpunës policorë të Njësitit mobil për sigurinë e trafikut rrugor pranë Sektorit për Çështje të Trafikut, me ndihmën e pajisjes për matjen e shpejtësisë „LaserCam 4“, kanë matur shpejtësi prej 203 kilometrash në orë te një automjet udhëtarësh „Mercedes“ me targa të Shkupit.
Automjeti lëvizte jashtë vendbanimit, ku shpejtësia maksimale e lejuar është 130 kilometra në orë.
Ndaj shoferit janë ndërmarrë masat përkatëse në përputhje me Ligjin për Sigurinë në Trafikun Rrugor.
Kontrollet në trafik vazhdojnë në të gjithë territorin e shtetit, me qëllim sanksionimin e shkelësve, rritjen e sigurisë në trafik dhe mbrojtjen e të gjithë pjesëmarrësve në trafik.
Ministria e Punëve të Brendshme u bën apel të gjithë pjesëmarrësve në trafik që t’i respektojnë rregullat dhe dispozitat e trafikut dhe ta përshtatin shpejtësinë me kushtet e rrugës, me çka së bashku do të kontribuojmë për rrugë më të sigurta.