Më 22.03.2026 në orën 21:15 në Tetovë, nëpunës policorë nga SPB Tetovë e privuan nga liria B.I. (43) nga Tetova, duke vepruar sipas denoncimit paraprak të bashkëshortes së tij 42-vjeçare se e kishte sulmuar fizikisht dhe me send të mprehtë, ndërsa në periudhën e kaluar çdo ditë ishte sjellë në mënyrë agresive dhe kishte bërë kërcënime ndaj saj dhe fëmijëve të tyre.
Më 22.03.2026 në orën 16:45 në SPB Tetovë, një grua 43-vjeçare nga Tetova denoncoi se në shtëpinë e saj, pas një mosmarrëveshjeje të mëparshme, ishte sulmuar fizikisht nga djali i saj P.S. (26) dhe nusja e saj V.S. (21) nga Tetova. Ata janë thirrur në SPB Tetovë dhe me ta është zhvilluar bisedë zyrtare.
Më 22.03.2026 në ora 12:45 në një fshat të rajonit të Gostivarit, nëpunës policorë nga NJPB Gostivar e privuan nga liria S.O. (49) nga fshati, duke vepruar sipas denoncimit paraprak të vëllait të tij 60-vjeçar se e kishte sulmuar fizikisht, me ç’rast ka përdorur një send të mprehtë dhe i ka shkaktuar lëndime.
Më 22.03.2026 në orën 13:00 në SPB Shkup, një grua 47-vjeçare nga rrethina e Shkupit denoncoi se rreth orës 03:00, në shtëpinë familjare, bashkëshorti i saj Z.M. (51) ka bërë kërcënime ndaj saj dhe prindërve të saj. Sipas denoncimit, ai për një periudhë më të gjatë kohore i kishte bërë kërcënime, ndërsa gjithashtu kishte dëmtuar edhe një pjesë të orendive shtëpiake.
Mbrëmë (23.03.2026) në orën 02:15, në Gjevgjeli, nëpunës policorë nga SPB Strumicë – NJPB Gjevgjeli e privuan nga liria një banor 31-vjeçar të Gjevgjelisë, duke vepruar sipas denoncimit paraprak se më 22.03.2026 rreth orës 23:45 në shtëpinë familjare kishte sulmuar fizikisht bashkëshorten e tij 29-vjeçare dhe i kishte shkaktuar lëndime në trup. Personi është ndaluar në Stacionin Policor të Gjevgjelisë, ndërsa për ngjarjen është njoftuar prokurori publik i Prokurorisë Themelore Publike - Gjevgjeli.
Po ndërmerren masa për zbardhjen e rasteve dhe pas dokumentimit të plotë të tyre ndaj kryerësve do të parashtrohen kallëzime përkatëse.