Ministri i Punëve të Brendshme Pançe Toshkovski mbajti sot një fjalim në ngjarjen përfundimtare të projektit të binjakëzimit "Forcimi i kapaciteteve institucionale për përballjen me veprat penale ndaj trashëgimisë kulturore dhe mjedisit jetësor" - IPA 2021.
Në fjalimin e tij, ministri Toshkovski theksoi se trashëgimia kulturore dhe mjedisi përfaqësojnë vlera universale dhe pasuri të përbashkët për gjithë njerëzimin, mbrojtja e të cilave duhet të jetë prioritet i përhershëm.
"Trashëgimia kulturore dhe natyra nuk janë vetëm burime kombëtare, por edhe themeli i identitetit dhe shëndetit të një shoqërie. Mbrojtja e tyre kërkon institucione të forta, staf profesional dhe bashkëpunim të fortë ndërkombëtar", theksoi ministri Toshkovski.
Ai theksoi se krimi ekologjik dhe tregtia e paligjshme e të mirave kulturore gjithnjë e më shumë kanë një karakter transnacional, gjë që imponon nevojën për një përgjigje të koordinuar institucionale, shkëmbim informacioni dhe bashkëpunim intensiv ndërkombëtar.
Projekti financohet nga Bashkimi Evropian përmes Instrumentit për Ndihmë Para-Anëtarësimi dhe zbatohet nga Karabinierët Italianë në partneritet me Ministrinë e Punëve të Brendshme. Në suaza të tij, u realizuan trajnime dhe u përpiluan dokumente strategjike kryesore për një luftë më efektive kundër krimit ekologjik dhe tregtisë së paligjshme të trashëgimisë kulturore.
Nënshkrimi i dy memorandumeve të mirëkuptimit krijon mekanizma të përhershëm për bashkëpunim institucional, me qëllim mbrojtjen më efektive të natyrës dhe trashëgimisë kulturore dhe harmonizimin me standardet evropiane.
