Gjatë ditës së djeshme, në të gjithë territorin e shtetit, nëpunësit policorë kanë privuar nga liria 23 shoferë, prej të cilëve 11 për drejtim të automjetit pa patentë shoferi, ndër të cilët një i mitur, nëntë për drejtim të automjetit nën ndikimin e alkoolit dhe një për vozitje pavarësisht se ka pasur ndalim aktiv.
Numri më i madh i drejtuesve të privuar nga liria është në rajonin e SPB Tetovë – shtatë, në rajonin e SPB Kumanovë – pesë, nga tre në rajonet e SPB Shkup dhe SPB Shtip, nga dy në rajonet e SPB Veles dhe SPB Manastir dhe një në rajonin e SPB Strumicë.
Pas dokumentimit të plotë të rasteve do të parashtrohen kallëzime përkatëse penale.
U bëjmë apel të gjithë pjesëmarrësve në komunikacion që të respektojnë rregullat dhe rregulloret e komunikacionit, të mos drejtojnë automjet pa kaluar provimin për patentë shoferi, ose nëse u është shqiptuar masë ndalimi për drejtim ose nëse janë nën ndikimin e alkoolit dhe të gjithë bashkërisht të kontribuojmë për siguri më të madhe në komunikacion.