Privohen nga liria 21 persona për drejtim të pakujdesshëm të automjeteve motorike gjatë fundjavës në territorin e Qytetit të Shkupit

Në territorin e SPB Shkup, gjatë fundjavës janë realizuar kontrolle në fushën e komunikacionit, me ç’rast 21 persona janë privuar nga liria për drejtim të pakujdesshëm të automjetit motorik sipas nenit 297-a të Kodit Penal, prej të cilëve gjashtë janë persona të mitur. Gjithashtu, janë ndërmarrë 161 masa në bazë të Ligjit për sigurinë e komunikacionit rrugor dhe Ligjit për automjete, prej të cilave 10 masa ndaj personave të cilët drejtojnë mjete të lehta elektrike.